Shilluk DC Bible © Bible Society in South Sudan, 2011
Pegi döri uddɑni men-ɑ yiny-ɑ wɑ̈g bɑ mïtïr ɑ́ryew kí budi mïtïr. Dɑ dhøg me kedhi uddɑni kì wɑɑng wuudø kì ri Kengø, kí dhøg megø me kedhi yethi gen kì wɑɑng wurlwɑl kì ri Kengø. Alïdhɑ ki keny me ówiyø ɑ́ ɑyieb me wen Kengø bëne, lɑ̈je bɑ mïtïr ɑ́ryew kí budi mïtïr, o bɑ ɑtïng kì mɑl ki mïtïr ɑ́dɑ̈g, o lɑ̈je ópɑ̈rø kɑ tyelli uddɑni kì ri döri Kengø. Kɑɑm keny-ɑ bɑ ɑwiy ɑ́ ɑyieb kì bøli uddɑni geki udd-ɑ nyi göög yi ókwër dɑ ódɑ̈rø me bɑ mïtïr pyɑ̈rø kì wɑɑng ngëdi Kengø.