Shilluk DC Bible © Bible Society in South Sudan, 2011
Isrɑil bëne, kí jɑgge, kí pëjji liny, kí jyɑ̈ggi gøny, kí tyëngpɑth møg-ɑ kelli gen, ɑ́bëëd ge ócungø kì wɑ̈thi tùngi Sɑnduug Ciggi Jwøng-ɑ Ácwɑ̈ɑ̈j kì tuung kí tuung, ge rwöm ki ókwërri gøl Leebì møg-ɑ nyi byelli Sɑnduug Cigg. Budi ji cungi ngɑ̈thi gen løg gen kuni Kïti Geridhïm, o bun-ɑ kyeelø ngɑ̈thi gen løg gen kuni Kïti Ebɑl. Ge ɑ́köbb-ɑ yi Mosɑ̀, bɑ̈ng Jwøng-ɑ Ácwɑ̈ɑ̈j kinni i cungi gen kinøw, o ge kwëng yi ókwër kɑ̈ng-ɑ nuti rɑɑng Ciggi Mosɑ̀ yi Jöcwø.