1 Chronicles 17:21 — Compare Translations

2 translations compared side by side

ၵႃႈၼိူဝ်လိၼ်မိူင်းၼႆႉမီးမဵဝ်းၵူၼ်းသေၸိူဝ်ႉသေမဵဝ်း ဢၼ်မိူၼ်ၵၼ်တင်းၵူၼ်းၸဝ်ႈႁဝ်းမဵဝ်း ဢီႉသရေႇလႃႉ ဢၼ်ၽြႃးပဵၼ်ၸဝ်ႈၵႂႃႇလႄႈထုတ်ႇၼုၵ်ႈဢဝ်ပုၼ်ႈမၼ်းၸဝ်ႈ လွင်ႈၼင်ႇႁိုဝ်တၵ်းဢဝ်လွင်ႈတၢင်းဢၼ်ယႂ်ႇဢၼ်လူင်လႄႈ လီၵူဝ်လီႁႄၸိူဝ်းၼၼ်ႉ ႁႂ်ႈၼႃႇမႃႉၸိုဝ်ႈသဵင်ၸဝ်ႈထၢင်ႇသႃးပုၼ်ႈၸဝ်ႈႁဝ်းၼႂ်းလွင်ႈမိူဝ်ႈဢၼ် ၸဝ်ႈႁဝ်းႁေႃႈၵူၼ်းၵူႈၸိူဝ်ႉၵူႈမဵဝ်း ဢွၵ်ႇသေၵႃႈတီႈၽၢႆႇၼႃႈၵူၼ်းၸဝ်ႈႁဝ်း ဢၼ်ၸဝ်ႈႁဝ်းၼုၵ်ႈဢဝ်ဢွၵ်ႇသေၵႃႈၼႂ်းမိူင်း ဢေႇၵိပ်ႉတူႉ မႃးၼၼ်ႉ လူးၵွၼ်ႇတီႈၶႃႈႁိုဝ်။-

ၵႃႈၼႂ်းလေႃးၵႃႉၼႆႉမဵဝ်းၵူၼ်းဢၼ်မိူၼ်ၸိူဝ်ႉၼင်ႇၵူၼ်းမဵဝ်း ဢိသရေး၊ မဵဝ်းဢၼ်ၸဝ်ႈႁဝ်းၵႄႇၼုၵ်ႈဢဝ်ဢွၵ်ႇသေၵႃႈၼႂ်းတၢင်းဢၼ်ၶၢမ်ႇႁဵတ်းၶႃႈပိူၼ်ႈလႄႈႁႂ်ႈပဵၼ်မဵဝ်းၵူၼ်းၸဝ်ႈႁဝ်းၼႆႉၼၼ်ႉဢမ်ႇမီးသေၸိူဝ်ႉသေမဵဝ်းတီႈၶႃႈ။ လွင်ႈတၢင်းဢၼ်ၸဝ်ႈႁဝ်းႁဵတ်းဢၼ်ယႂ်ႇမျၢတ်ႈလီဢၢမ်းၼႃႇၸိူဝ်းၼၼ်ႉၶၢဝ်ႇမၼ်းၽႄႈၸွတ်ႇၵႂႃႇၵႃႈၼိူဝ်လိၼ်မိူင်းတီႈၶႃႈဢေႃႈ။ ၸဝ်ႈႁဝ်းၵႄႇၼုၵ်ႈဢဝ်ၵူၼ်းၸဝ်ႈႁဝ်းတင်းလၢႆဢွၵ်ႇမိူင်း ဢေးၵျိပ်ႉ၊ မႃးလႄႈႁေႃႈပႅတ်ႈၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းတင်းလၢႆ၊ဢွၵ်ႇပႅတ်ႈသေသိုဝ်ႈၼႃႈတႂ်ႈတႃၵူၼ်းၸဝ်ႈႁဝ်းၸိူဝ်းၼၼ်ႉတီႈၶႃႈဢေႃႈ။-