1 Chronicles 28:4 — Compare Translations

2 translations compared side by side

ထႃႇဝရႃႉၽြႃး ၽြႃးပဵၼ်ၸဝ်ႈမဵဝ်း ဢီႉသရေႇလႃႉ လိူၵ်ႈၵဵပ်းဢဝ်ၵဝ် ၼႂ်းပီႈၼွင်ႉမဵဝ်းၸိူဝ်ႉၶိူဝ်းပေႃႈၵဝ် ႁႂ်ႈၵဝ်လႆႈပဵၼ်ၶုၼ်ႁေႃၶမ်း ဢီႉသရေႇလႃႉ ယူႇတႃႇသေႇဢေႃႈ။ မၼ်းၸဝ်ႈလိူၵ်ႈၵဵပ်းဢဝ်မဵဝ်း ယူႉတႃႉ ႁႂ်ႈပဵၼ်မဵဝ်းဢၼ်ဢုပ်ႉဢၼ်ပိူင်ႇဢေႃႈ၊ ၼႂ်းမဵဝ်း ယူႉတႃႉ ၼၼ်ႉ ႁိူၼ်းပေႃႈၵဝ်၊ လႆႈသမ်ႉၼႂ်းလုၵ်ႈၸၢႆးပေႃႈၵဝ်ၸိူဝ်းၼၼ်ႉ၊ ၵဝ်ၼႆႉမၼ်းၸဝ်ႈထုၵ်ႇၸႂ်ၵျိူၵ်ႈၸႂ်လႄႈ၊ ႁႂ်ႈပဵၼ်ၶုၼ်ႁေႃၶမ်း ၵႃႈၼိူဝ်မိူင်း ဢီႉသရေႇလႃႉ တင်းမိူင်းဢေႃႈ။

ထႃႇဝရႃႉၽြႃး၊ ဢၼ်ပဵၼ်ၽြႃးပဵၼ်ၸဝ်ႈၵူၼ်းမဵဝ်း ဢိသရေး၊ ၼၼ်ႉလိူၵ်ႈဢဝ်ၵဝ်၊ဢိၵ်ႇတင်းၸိူဝ်ႉၶိူဝ်းလုၵ်ႈလၢၼ်ၵဝ်ႁႂ်ႈလႆႈဢုပ်ႉပိူင်ႇမိူင်း ဢိသရေး ယူႇတႃႇသေႇယဝ်ႉ။ မၼ်းၸဝ်ႈလိူၵ်ႈဢဝ်ၸိူဝ်ႉၶိူဝ်း ယုတႃႉ၊ လႄႈဢၢပ်ႈပၼ်ဢရႃႇဢၼ်ဢုပ်ႉပိူင်ႇၼၼ်ႉယဝ်ႉ။ ၼႂ်းၸိူဝ်ႉၶိူဝ်း ယုတႃႉ၊ ၼၼ်ႉမၼ်းၸဝ်ႈလိူၵ်ႈဢဝ်ၼႃႈႁိူၼ်းပေႃႈၵဝ်သေယဝ်ႉ၊ၼႂ်းၶိူဝ်းႁိူၼ်းၼၼ်ႉမၼ်းၸဝ်ႈထုၵ်ႇၸႂ်ၵျိူၵ်ႈၸႂ်ၵဝ်လႄႈဢဝ်ၵဝ်ၶၢၼ်းဝႆႉၼႂ်းဢရႃႇၶုၼ်ႁေႃၶမ်းဢၼ်ဢုပ်ႉပိူင်ႇမိူင်း ဢိသရေး၊ ၼၼ်ႉယဝ်ႉ။-