1 Chronicles 7:29 — Compare Translations

2 translations compared side by side

ၵႃႈတီႈႁိမ်းၶွပ်ႇၼမ်ႉလႅၼ်လိၼ်တီႈယူႇၵူၼ်းမဵဝ်း မၼႃႇသေႇ ၼၼ်ႉ၊ ဝဵင်း ပႅတ်ႉသၼ်ႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း တႃႇၼၵ်ႉ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း မေႇၵိတ်ႉတေႃႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း တေႃႇရႃႉ ဢိၵ်ႇတင်းဝၢၼ်ႈမၼ်းတင်းလၢႆဢေႃႈ။ ၵႃႈတီႈဝဵင်းၸိူဝ်းၼႆႉၵူၼ်းမဵဝ်း ယူဝ်းသႅပ်ႈ ဢၼ်ပဵၼ်လုၵ်ႈၸၢႆး ဢီႉသရေႇလႃႉ ၼၼ်ႉၸိူဝ်းၼၼ်ႉ ဢွၼ်ၵၼ်တူၵ်းတီႈတူၵ်းလႅၼ်သေလႄႈယူႇဢေႃႈ။

ၸိူဝ်ႉၶိူဝ်းလုၵ်ႈလၢၼ် မၼႃႇသေႇ၊ ၸမ်ႉ၊ပိူင်ႇဢဝ်ဝဵင်း ပႅတ်ႉသၼ်ႇ၊ ဝဵင်း တႃႇၼၵ်ႉ၊ ဝဵင်း မေႇၵိတ်ႉတေႃႇ၊ တင်းဝဵင်း တေႃႇရႃႉ၊ ဢိၵ်ႇတင်းဝၢၼ်ႈၶဝ်တင်းလၢႆၸိူဝ်းၼၼ်ႉဢေႃႈ။ ၶွပ်ႇၼမ်ႉလႅၼ်လိၼ်ၸိူဝ်းၼႆႉတင်းသဵင်ႈတင်းလူင်ၸမ်ႉ၊ပဵၼ်တီႈယူႇတီႈသဝ်းၸိူဝ်ႉၶိူဝ်းလုၵ်ႈလၢၼ် ယူဝ်းသႅပ်ႈ၊ လုၵ်ႈၸၢႆး ယႃႇၵုပ်ႈ၊ ၼၼ်ႉဢေႃႈ။