1 Corinthians 12:28 — Compare Translations

2 translations compared side by side

ၽြႃးပဵၼ်ၸဝ်ႈၶၢၼ်းဝႆႉတမၢၼ်ႇၸဝ်ႈတင်းလၢႆ ၼႂ်းဢရႃႇပထမႃႉ၊ ပရေႃးၽႅတ်ႈတင်းလၢႆၼႂ်းဢရႃႇတူႉတီႉယႃႉ၊ သြႃႇတင်းလၢႆၼႂ်းဢရႃႇတႃႉတီႉယႃႉ၊ လိုၼ်းၼၼ်ႉၶဝ်ၸိူဝ်းဢၼ်ၼႄပျႃးတၼ်းၶူဝ်း၊ လိုၼ်းၼၼ်ႉၶဝ်ၸိူဝ်းဢၼ်လႆႈဢၶႂၢင်ႉဢၼ်ႁႂ်ႈတၢင်းၶႆႈတၢင်းပဵၼ်ႁၢႆ၊ ၶဝ်ၸိူဝ်းဢၼ်ပွင်လူၺ်ႈၸိူဝ်းၸဝ်ႈ၊ ၶဝ်ၸိူဝ်းဢၼ်ၸီႇယၢင်ႇဢုပ်ႉပိူင်ႇ၊ ၶဝ်ၸိူဝ်းဢၼ်ၸၢင်ႈလၢတ်ႈၵႂၢမ်းၽႃႇသႃႇၵူႈၸိူဝ်ႉၵူႈပိူင်ၼၼ်ႉၼႂ်းၸိူဝ်းၸဝ်ႈဢေႃႈ။-

ပိူဝ်ႈၼႆလႄႈၵႃႈၼႂ်းၸိူဝ်းၸဝ်ႈၼႆႉၵေႃႈၽြႃးပဵၼ်ၸဝ်ႈၽႄမႅင်ႇပၼ်ၵၢၼ်ငၢၼ်းတီႈၽႂ်တီႈမၼ်းဢေႃႈ။ ၵၢၼ်ငၢၼ်းဢၼ်ယႂ်ႇသေပိူၼ်ႈ၊ပဵၼ်ဢရႃႇတမၢၼ်ႇၸဝ်ႈတင်းလၢႆ၊တၢမ်းသွင်ပဵၼ်ဢရႃႇပရေႃးၽႅတ်ႈ တင်းလၢႆ၊တၢမ်းသၢမ်ပဵၼ်ဢရႃႇသြႃႇတင်းလၢႆ၊လိုၼ်းၼၼ်ႉၶဝ်ၸိူဝ်းဢၼ်မေႃႁဵတ်းၼိမိၵ်ႈလၢၵ်ႈၶၼႃႇဢၼ်လၢၵ်ႇဢၼ်လၢႆး၊လိုၼ်းၼၼ်ႉၶဝ်ၸိူဝ်းဢၼ်ၸၢင်ႈႁဵတ်းႁႂ်ႈတၢင်းၶႆႈတၢင်းပဵၼ်ၸိုၼ်ႈႁၢႆ၊သမ်ႉၶဝ်ၸိူဝ်းဢၼ်ၸၢင်ႈၸွႆႈၵၢၼ်ၸိူဝ်းၸဝ်ႈ၊သမ်ႉၶဝ်ၸိူဝ်းဢၼ်မေႃၶိုင်ပွင်ၼႃႈၵၢၼ်၊ဢိၵ်ႇတင်းၶဝ်ၸိူဝ်းဢၼ်ၸၢင်ႈလၢတ်ႈၵႂၢမ်းပႅၵ်ႇပိူင်ႈတၢင်ႇမဵဝ်းၼၼ်ႉဢေႃႈ။-