1 Corinthians 7:15 — Compare Translations

2 translations compared side by side

ၵူၺ်းၵႃႈပေႃးၵေႃႉဢၼ်ဢမ်ႇမီးတၢင်းဢၼ်ယုမ်ႇမၢတ်ႈၼၼ်ႉၶႂ်ႈၽၢတ်ႇၵႂႃႇၸိုင်ႁႂ်ႈၽၢတ်ႇၵႂႃႇတႃႉ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ ပီႈၼွင်ႉၼၼ်ႉပဵၼ်ၽူႈၸၢႆးသေဢမ်ႇဝႃႈ၊ ပဵၼ်ၽူႈယိင်းသေဢမ်ႇဝႃႈ၊ ဢမ်ႇမီးတၢင်းဢၼ်မတ်ႉၽုၵ်ႇဝႆႉယဝ်ႉ။ ၼင်ႇႁိုဝ်ႁဝ်းတၵ်းယူႇထုၵ်ႇထုၵ်ႇၵၼ်ၸိုင်ၽြႃးပဵၼ်ၸဝ်ႈႁွင်ႉဢဝ်ႁဝ်းဝႆႉယဝ်ႉ။-

ၼႂ်းဝႃႈၼၼ်သေၵေႃႈပေႃးၵေႃႉဢၼ်ဢမ်ႇယုမ်ႇမၢတ်ႈၼၼ်ႉၽူဝ်သေဢမ်ႇဝႃႈ၊မေးသေဢမ်ႇဝႃႈ၊ၶႂ်ႈၽၢတ်ႇၵႂႃႇၸိုင်၊ႁႂ်ႈမၼ်းၽၢတ်ႇၵႂႃႇတႃႉ။ ပေႃးပဵၼ်ၸိူဝ်ႉၼင်ႇၼႆၵႂႃႇၸိုင်၊ၽူဝ်ဢၼ်ယုမ်ႇမၢတ်ႈဢမ်ႇၼၼ်မေးဢၼ်ယုမ်ႇမၢတ်ႈၼၼ်ႉပဵၼ်ၵူၼ်းလွတ်ႈလႅဝ်းယဝ်ႉ၊ၵွပ်ႈပိူဝ်ႈၽြႃးပဵၼ်ၸဝ်ႈႁွင်ႉဢဝ်သူႁႂ်ႈသူလႆႈယူႇထုၵ်ႇမေႃၵၼ်ဢေႃႈ။-