1 Corinthians 7:28 — Compare Translations

2 translations compared side by side

ၵူၺ်းၵႃႈပေႃးမႂ်းဢဝ်မေးၸိုင်မႂ်းဢမ်ႇမီးဢပႅတ်ႈ။ ၽူႈယိင်းဢၼ်ဢမ်ႇတွၼ်ႉဢဝ်ၽူဝ်ၼၼ်ႉၵေႃႈ၊ ပေႃးဢဝ်ၽူဝ်ၸိုင်ဢမ်ႇမီးဢပႅတ်ႈ၊ ၼႂ်းဝႃႈၼၼ်သေၵေႃႈ ၶဝ်ၸိူဝ်းဢၼ်ႁဵတ်းၸိူဝ်ႉၼင်ႇၼၼ်ၼၼ်ႉတၵ်းလႆႈၶၢမ်ႇတုၵ်ႉၶႃႉ တၢင်းဢၼ်ၼိၵ်ႈၸၢၵ်ႈငႅၼ်းသႄး လေႃးၵီႇဢေႃႈ။ ၼႂ်းတီႈႁဵင်းၼႆႉၵဝ်လၢတ်ႈဝႆႉႁႂ်ႈသူလွတ်ႈတၢင်းတုၵ်ႉၶႃႉဢေႃႈ။

ၼႂ်းဝႃႈၼၼ်သေၵေႃႈပေႃးမႂ်းတႄႇၼႃႈႁိူၼ်းၸိုင်၊ဢမ်ႇမီးဢပျတ်ႈ။ မႄႈယိင်းဢၼ်ဢမ်ႇပႆႇတွၼ်ႉမီးၽူဝ်ၵေႃႈ ပေႃးမၼ်းတႄႇၼႃႈႁိူၼ်းၸိုင်၊မၼ်းၵေႃႈဢမ်ႇမီးဢပျတ်ႈ။ ၵူၺ်းၵႃႈ၊ၶဝ်ၸိူဝ်းဢၼ်တႄႇၼႃႈႁိူၼ်းၼၼ်ႉ တၵ်းလႆႈၶၢမ်ႇတုၵ်ႉၶႃႉၼႂ်းလေႃးၵႃႉၼႆႉလႄႈၵဝ်ဢမ်ႇၶႂ်ႈႁႂ်ႈသူလႆႈၶၢမ်ႇတုၵ်ႉၶႃႉၼၼ်ႉဢေႃႈ။