1 Corinthians 9:10 — Compare Translations

2 translations compared side by side

ဢမ်ႇၼၼ်လႄႈမၼ်းၸဝ်ႈပိင်းၺၢပ်ႈၸိူဝ်ႉၼင်ႇၼႆ ၵွပ်ႈပိူဝ်ႈႁဝ်းၵူၺ်းႁိုဝ်။ လွင်ႈၼင်ႇႁိုဝ်ၵေႃႉဢၼ်ထႆၼႃး တၵ်းမုင်ႈထႃႈမွင်းထႃႈလႄႈထႆ ဢိၵ်ႇတင်းလွင်ႈၼင်ႇႁိုဝ်ၵေႃႉဢၼ်မုင်ႈထႃႈမွင်းထႃႈလႄႈယဵပ်ႇၶဝ်ႈၼၼ်ႉ တၵ်းလႆႈၵႃႈၼင်ႇဢၼ်မၼ်းမုင်ႈထႃႈမွင်းထႃႈၼၼ်ႉၸိုင်၊ မႃးၼႂ်းၵျၢမ်းလိၵ်ႈၸိူဝ်ႉၼင်ႇၼႆ ၵွပ်ႈပိူဝ်ႈႁဝ်းၵူၺ်းဢေႃႈ။-

ဢမ်ႇၼၼ်လႄႈဢၼ်မၼ်းၸဝ်ႈလၢတ်ႈၼၼ်ႉၶႂ်ႈဝႃႈပုၼ်ႈႁဝ်းႁိုဝ်း။ ၸႂ်ႈတႄႉယဝ်ႉဢေႃႈ။ ၵႂၢမ်းၼႆႉပဵၼ်ပုၼ်ႈဢၵျူဝ်းႁဝ်းတႄႉဢေႃႈ။ ၵူၼ်းထႆၼႃးလႄႈသင်၊ၵူၼ်းပၢတ်ႇၶဝ်ႈလႄႈသင်၊ၶဝ်ႁဵတ်းၵၢၼ်ၶဝ်ၵွပ်ႈပိူဝ်ႈၶဝ်မုင်ႈမွင်းၶႂ်ႈလႆႈမၢၵ်ႇၶဝ်ႈႁူင်းၶဝ်ႈဢၼ်ပဵၼ်ၵႃႈႁႅင်းၶဝ်ၼၼ်ႉဢေႃႈ။-