1 Kings 17:14 — Compare Translations

2 translations compared side by side

ထႃႇဝရႃႉၽြႃး ၽြႃးပဵၼ်ၸဝ်ႈမဵဝ်း ဢီႉသရေႇလႃႉ မီးဢမိင်ႉလႄႈဝႃႈၸမ်ႉ၊ ၽွင်ၶဝ်ႈမုၼ်းဢၼ်မီးၵႃႈၼႂ်းမေႃႈၼၼ်ႉဢမ်ႇလႆႈသဵင်ႈလႆႈမူတ်း။ ၼမ်ႉမၼ်းဢၼ်မီးၵႃႈၼႂ်းတဝ်ႈၼၼ်ႉဢမ်ႇလႆႈယွမ်းတေႃႇထိုင်ႁွတ်ႈဝၼ်းဢၼ် ထႃႇဝရႃႉၽြႃးႁႂ်ႈၽူၼ်တူၵ်းၵႃႈၼိူဝ်လိၼ်မိူင်းၼႆႉၼၼ်ႉ၊ ဝႃႈၼင်ႇၼႆဝႆႉယဝ်ႉ၊ ဝႃႈၼင်ႇၼႆလႄႈ၊-

ထႃႇဝရႃႉၽြႃး၊ ၽြႃးပဵၼ်ၸဝ်ႈၵူၼ်းမဵဝ်း ဢိသရေး၊ မီးဢမိင်ႉလႄႈဝႃႈၸမ်ႉ၊ ‘ၽွင်ၶဝ်ႈမုၼ်းဢၼ်မီးၵႃႈၼႂ်းမေႃႈတၵ်းဢမ်ႇလႆႈသဵင်ႈလႆႈမူတ်း။ ၼမ်ႉမၼ်းဢၼ်မီးၵႃႈၼႂ်းတဝ်ႈတၵ်းဢမ်ႇလႆႈယုတ်ႈလႆႈယွမ်းတေႃႇထိုင်ႁွတ်ႈဝၼ်းဢၼ်ၵဝ် ထႃႇဝရႃႉၽြႃး၊ ႁႂ်ႈၽူၼ်တူၵ်းၼၼ်ႉဢေႃႈ၊’ ဝႃႈၼင်ႇၼႆယဝ်ႉ၊” ဝႃႈၼင်ႇၼႆဢေႃႈ။