1 Kings 20:39 — Compare Translations

2 translations compared side by side

မိူဝ်ႈဢၼ်ၶုၼ်ႁေႃၶမ်းတႆႇတၢင်းပႆတၢင်းမႃးယူႇၼၼ်ႉၸိုင်၊ ၵေႃႉၼၼ်ႉလဝ်ႊလၢတ်ႈတီႈၶုၼ်ႁေႃၶမ်းလႄႈဝႃႈ၊ ၶႃႈၸဝ်ႈႁဝ်းၼႆႉဢွၵ်ႇၵႂႃႇၸူးၵႃႈၼႂ်းၵၢင်ပွႆးတိုၵ်းသိုၵ်းတီႈၶႃႈဢေႃႈ။ ၵူၼ်းၵေႃႉၼိုင်ႈဢွၵ်ႇသေၵႃႈၼႂ်းပွႆးတိုၵ်းသိုၵ်းမႃးလႄႈ ဢဝ်ၵူၼ်းၵေႃႉၼိုင်ႈဢၢပ်ႈပၼ်တီႈၶႃႈၸဝ်ႈသေယဝ်ႉ သင်ႇလၢတ်ႈဝႆႉလႄႈဝႃႈ၊ ပႂ်ႉၵူၼ်းၵေႃႉၼႆႉလီလီတႃႉ။ ပေႃးမၼ်းႁၢႆၵႂႃႇၵွပ်ႈပိူဝ်ႈသေၸိူဝ်ႉသေပိူင်ၸိုင်၊ ဢသၢၵ်ႈမႂ်းတၵ်းလႆႈပဵၼ်ပုၼ်ႈဢသၢၵ်ႈမၼ်းဢေႃႈ။ ဢမ်ႇၼၼ်ၵေႃႈမႂ်းတၵ်းလႆႈယေႃႇပၼ်ငိုၼ်း တလၢၼ်ႇတၢၼ်ႇ ၼိုင်ႈဢေႃႈ၊ ဝႃႈၼင်ႇၼႆလႄႈ၊-

မိူဝ်ႈဢၼ်ၶုၼ်ႁေႃၶမ်းပႆၸွမ်းတၢင်းမႃးယူႇၼၼ်ႉၸိုင်၊ပရေႃးၽႅတ်ႈၼၼ်ႉလဝ်ႈလၢတ်ႈတီႈမၼ်းလႄႈဝႃႈ၊ “ၸဝ်ႈမုၼ်ယႂ်ႇၶုၼ်လူင်တီႈၶႃႈ။ မိူဝ်ႈဢၼ်ၶႃႈၸဝ်ႈယင်းတိုၵ်းသိုၵ်းယူႇၼၼ်ႉၸိုင်၊ၵူၼ်းသိုၵ်းၵေႃႉၼိုင်ႈတိလႆႈရၢၼ်ႇသူႇမႃးလႄႈဢၢပ်ႈပၼ်တီႈၶႃႈၸဝ်ႈသေယဝ်ႉ၊သင်ႇလၢတ်ႈဝႃႈ၊ ‘ပႂ်ႉထိင်းၵေႃႉၼႆႉလီလီတႃႉ။ ပေႃးမၼ်းလွတ်ႈၵႂႃႇၸိုင်၊ဢသၢၵ်ႈမႂ်းတၵ်းလႆႈတႅၼ်းပုၼ်ႈဢသၢၵ်ႈမၼ်းဢေႃႈ။ ဢမ်ႇၼၼ်ၵေႃႈမႂ်းတၵ်းလႆႈသၢႆႈပၼ်ငိုၼ်းသၢမ်ႁဵင်ၶႅပ်းဢေႃႈ၊’ ဝႃႈၼင်ႇၼႆဢေႃႈ။-