1 Samuel 10:24 — Compare Translations

2 translations compared side by side

သမူၺ်ႇလႃႉ ၵေႃႈလၢတ်ႈတီႈၵူၼ်းတင်းသဵင်ႈတင်းလူင်လႄႈဝႃႈ၊ ဢွၼ်ၵၼ်တူၺ်းၵူၼ်းဢၼ်ထႃႇဝရႃႉၽြႃးလိူၵ်ႈၵဵပ်းဢဝ်ၼႆႉတႃႉ။ ၼႂ်းၵူၼ်းတင်းသဵင်ႈတင်းလူင် ၵေႃႉဢၼ်မိူၼ်ၵၼ်တင်းမၼ်း ဢမ်ႇမီးသေၵေႃႉသေၵူၼ်း၊ ဝႃႈၼင်ႇၼႆသေယဝ်ႉ၊ ၵူၼ်းတင်းသဵင်ႈတင်းလူင် ႁွင်ႉသႅၼ်ႇလႄႈဝႃႈ၊ ႁႂ်ႈဢသၢၵ်ႈၸဝ်ႈၶုၼ်ႁေႃၶမ်းႁဝ်းမၼ်ႈၶိူင်ႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။-

သမူၺ်ႇလႃႉ၊ ၵေႃႈလၢတ်ႈတီႈၵူၼ်းတင်းလၢႆလႄႈဝႃႈ၊ “ၵူၼ်းဢၼ် ထႃႇဝရႃႉၽြႃး၊ လိူၵ်ႈဢဝ်ၼၼ်ႉပဵၼ်ၵေႃႉၼႆႉယဝ်ႉ။ ၼႂ်းၵူၼ်းတင်းသဵင်ႈတင်းလူင်ၼႆႉၵေႃႉဢၼ်မိူၼ်ၵၼ်တင်းမၼ်းဢမ်ႇမီးသေၵေႃႉသေၵူၼ်း၊” ဝႃႈၼင်ႇၼႆဢေႃႈ။ ၵူၼ်းတင်းသဵင်ႈတင်းလူင်ဢွၼ်ၵၼ်ႁွင်ႉသႅၼ်ႇႁွင်ႉပၢဝ်ႇလႄႈဝႃႈ၊ “ႁႂ်ႈၶုၼ်ႁေႃၶမ်းႁဝ်းဢသၢၵ်ႈယၢဝ်းယိုၼ်းသေၵမ်းလူၺ်ႈ၊” ဝႃႈၼင်ႇၼႆဢေႃႈ။