1 Samuel 14:45 — Compare Translations

2 translations compared side by side

ၵူၼ်းတင်းလၢႆဢွၼ်ၵၼ်လဝ်ႊလၢတ်ႈတီႈ သေႃးလူႉ လႄႈဝႃႈ၊ ယေႃးၼသၼ်ႇ ဢၼ်ႁဵတ်းၵျေးၸူးတၢင်းဢၼ်ၵႄႇသႄႇၶျွတ်ႈဢဝ်မဵဝ်း ဢီႉသရေႇလႃႉ ၼႆႉယဝ်ႉၼႆႉ တၵ်းလႆႈတၢႆၶႃႈႁိုဝ်။ ယႃႇႁႂ်ႈပဵၼ်ၸိူဝ်ႉၼင်ႇၼၼ်သေၵမ်းၶႃႈ။ ၵႃႈၼင်ႇဢၼ်ထႃႇဝရႃႉၽြႃးဢသၢၵ်ႈလိပ်းယူႇၼၼ်ႉ၊ ၶူၼ်ႁူဝ်မၼ်းဢမ်ႇလႆႈတူၵ်းၵႃႈၼိူဝ်လိၼ်သေသဵၼ်ႈၶႃႈ။ မၼ်းၼႆႉၽွမ်ႉလူၺ်ႈၵၼ်တင်းၽြႃးပဵၼ်ၸဝ်ႈဝၼ်းမိူဝ်ႈၼႆႉသေလႄႈ ႁဵတ်းယဝ်ႉၶႃႈယဝ်ႉ၊ ဝႃႈၼင်ႇၼႆသေယဝ်ႉ ၵူၼ်းတင်းလၢႆၵႄႇသႄႇၼုၵ်ႈဢဝ် ယေႃးၼသၼ်ႇ ႁႂ်ႈဢသၢၵ်ႈမၼ်းလႆႈၵတ်းယဵၼ်ၶျၢမ်းသႃႇဢေႃႈ။-

ၵူၺ်းၵႃႈ၊ၵူၼ်းတင်းလၢႆဢွၼ်ၵၼ်လဝ်ႈလၢတ်ႈတီႈ သေႃးလု၊ လႄႈဝႃႈ၊ “ ယေႃးၼႀၼ်ႇ၊ ဢၼ်ႁဵတ်းၵျေးၸူးတၢင်းဢၼ်ၵႄႇသႄႇၶျွတ်ႈဢဝ်မဵဝ်း ဢိသရေး၊ ၼႆႉၼၼ်ႉတၵ်းလႆႈတၢႆၶႃႈႁိုဝ်း။ ယႃႇႁႂ်ႈပဵၼ်ၸိူဝ်ႉၼင်ႇၼၼ်သေၵမ်းၶႃႈ။ ၵႃႈၼင်ႇဢၼ် ထႃႇဝရႃႉၽြႃး၊ ဢသၢၵ်ႈလိပ်းယူႇၼၼ်ႉယႃႇႁႂ်ႈၶူၼ်ႁူဝ်မၼ်းတူၵ်းၵႃႈၼိူဝ်လိၼ်သေသဵၼ်ႈသေၵမ်းၶႃႈ။ လွင်ႈမၼ်းၸမ်ႉ၊ၵႃႈဢၼ်မၼ်းႁဵတ်းယဝ်ႉၼႂ်းဝၼ်းၼႆႉၼၼ်ႉ ထႃႇဝရႃႉၽြႃး၊ ၽွမ်ႉၽၢႆႇမၼ်းဢေႃႈ၊” ဝႃႈၼင်ႇၼႆဢေႃႈ။ ၼင်ႇၼၼ်လႄႈၵူၼ်းတင်းလၢႆၵႄႇသႄႇၼုၵ်ႈဢဝ်ဢသၢၵ်ႈမၼ်းလွတ်ႈတၢင်းတၢႆဢေႃႈ။