1 Samuel 19:20 — Compare Translations

2 translations compared side by side

သေႃးလူႉ သမ်ႉၶိုၼ်းပွႆႇၸႂ်ႉၵူၼ်းၸႂ်ႉၵူၼ်းသွႆမၼ်းႁႂ်ႈလႆႈတီႉၵမ်ဢဝ် တႃႇဝိတ်ႈ ဢေႃႈ။ မိူဝ်ႈဢၼ်ၶဝ်ၼၼ်ႉႁၼ်မုၵ်ႉၸိူဝ်းပရေႃးၽႅတ်ႈတင်းလၢႆ ႁဵတ်းပရေႃးၽႅတ်ႈယူႇ၊ သမူၺ်ႇလႃႉ ၵေႃႉႁဵတ်းၵႄႇႁဵတ်းႁူဝ်ၶဝ်ယူႇသေလႄႈ ၸုၵ်းယူႇၼၼ်ႉၸိုင်၊ ဝီႉၺိၺ်ႇၽြႃးပဵၼ်ၸဝ်ႈ တူၵ်းႁွတ်ႈၵႃႈၼိူဝ်ၵူၼ်းၸႂ်ႉၵူၼ်းသွႆ သေႃးလူႉ ၸိူဝ်းၼၼ်ႉလႄႈ ၶဝ်ၼၼ်ႉၵေႃႈလႆႈႁဵတ်းပရေႃးၽႅတ်ႈယူႇဢေႃႈ။-

ပိူဝ်ႈၼႆလႄႈမၼ်းပွႆႇၸႂ်ႉၵူၼ်းၵမ်ႈၽွင်ႈၵႂႃႇတိဢဝ် တႃႇဝိတ်ႈ၊ ဢေႃႈ။ ၶဝ်ႁၼ်မုၵ်ႉၸိူဝ်းပရေႃးၽႅတ်ႈ တင်းလၢႆႁဵတ်းပရေႃးၽႅတ်ႈယူႇ၊ သမူၺ်ႇလႃႉ၊ ၵေႃႈႁဵတ်းၵႄႇႁဵတ်းႁူဝ်ၶဝ်ယူႇလႄႈ၊ၶဝ်ၵေႃႈၶဝ်ႈပႃးၵႃႈဝႅၼ်ႁွင်ႉပၢဝ်ႇႁွင်ႉသႅၼ်ႇၸွမ်းဢေႃႈ။-