1 Samuel 22:18 — Compare Translations

2 translations compared side by side

လႆႈသမ်ႉ ၶုၼ်ႁေႃၶမ်းမီးဢမိင်ႉတီႈ တေႃႉၵႃႉ လႄႈဝႃႈ၊ မႂ်းဝၢႆႇၶိုၼ်းလႄႈယႃႉပႅတ်ႈယိတ်ႈပရေႃးႁဵၵ်ႈၸိူဝ်းၼႆႉတႃႉ၊ ဝႃႈၼင်ႇၼႆလႄႈ၊ တေႃႉၵႃႉ ၵူၼ်းမဵဝ်း ဢေႇတုမ်ႇ ၼၼ်ႉ ဝၢႆႇၶိုၼ်းလႄႈယႃႉပႅတ်ႈယိတ်ႈပရေႃးႁဵၵ်ႈၸိူဝ်းၼၼ်ႉလႄႈ ဢဝ်ပႅတ်ႈသိပ်းပၢႆႁႃႈပႃး ဢၼ်ၼုင်ႈသိူဝ်ႈသုပ်းပိၵ်ႈၼၼ်ႉတၢႆၼႂ်းဝၼ်းၼၼ်ႉဢေႃႈ။-

ပိူဝ်ႈၼႆလႄႈ သေႃးလု၊ ပူင်ဢမိင်ႉတီႈ တွၵ်ႉၵႃႉ၊ လႄႈဝႃႈ၊ “မႂ်းဢဝ်ၶဝ်တၢႆတႃႉ၊” ဝႃႈၼင်ႇၼႆလႄႈ၊ တွၵ်ႉၵႃႉ၊ ၶႃႈၽၼ်းၶဝ်တၢႆပႅတ်ႈတင်းသဵင်ႈတင်းလူင်ဢေႃႈ။ ၼႂ်းဝၼ်းၼၼ်ႉမၼ်းဢဝ်တၢႆပႅတ်ႈယဵၸ်ႈပရေႃးႁဵၵ်ႈသိပ်းပၢႆႁႃႈၵေႃႉၸိူဝ်းဢၼ်ၼုင်ႈသိူဝ်ႈၽႃႈပၢၼ်ႇဢၼ်သုပ်းႁူဝ်ၼၼ်ႉဢေႃႈ။-