1 Samuel 24:10 — Compare Translations

2 translations compared side by side

တူၺ်းတီႈၶႃႈလူး၊ မၢၵ်ႇတႃၸဝ်ႈႁဝ်းလႆႈႁၼ်လွင်ႈဢၼ်ထႃႇဝရႃႉၽြႃး ဢဝ်ၸဝ်ႈႁဝ်းဢၢပ်ႈပၼ်ၵႃႈၼႂ်းမိုဝ်းၶႃႈၸဝ်ႈ ၵႃႈၼႂ်းႁူးထမ်ႈၼႆႉ ၼႂ်းဝၼ်းမိူဝ်ႈၼႆႉၼၼ်ႉယဝ်ႉတီႈၶႃႈဢေႃႈ။ ပိၵ်ႉသမ်ႉၵမ်ႈၽွင်ႈတိုၵ်းယူင်းႁႂ်ႈၶႃႈၸဝ်ႈ ဢဝ်ဢသၢၵ်ႈၸဝ်ႈႁဝ်းတၢႆသေၵေႃႈ၊ ၶႃႈၸဝ်ႈမီးၸႂ်ဢၼ်သေလၢႆလႄႈဝႃႈ၊ ၵဝ်တၵ်းဢမ်ႇယဵတ်ႇမိုဝ်းၵဝ်ႁႂ်ႈလႆႈတိူဝ်ႉထုၵ်ႇၸဝ်ႈၵဝ် ၵွပ်ႈပိူဝ်ႈဢၼ်ၸဝ်ႈၵဝ်ပဵၼ်ၵေႃႉဢၼ် ထႃႇဝရႃႉၽြႃးပၼ်ၽိၵ်ႈသိၵ်ႈၼၼ်ႉၵူၺ်း၊ ဝႃႈၼင်ႇၼႆတီႈၶႃႈဢေႃႈ။-

တူၺ်းတီႈၶႃႈလူး။ တူဝ်ၸဝ်ႈႁဝ်းလႆႈတူၺ်းႁၼ်လွင်ႈဢၼ် ထႃႇဝရႃႉၽြႃး၊ ဢဝ်ၸဝ်ႈႁဝ်းဢၢပ်ႈပၼ်ၼႂ်းမိုဝ်းၶႃႈၸဝ်ႈၵႃႈၼႂ်းႁူးထမ်ႈၼႆႉၼႂ်းဝၼ်းမိူဝ်ႈၼႆႉယဝ်ႉတီႈၶႃႈဢေႃႈ။ ၵူၼ်းၵဝ်ၶႃႈၵမ်ႈၽွင်ႈတိုၵ်းယူင်းႁႂ်ႈၶႃႈၸဝ်ႈဢဝ်ၸဝ်ႈႁဝ်းတၢႆသေၵေႃႈ၊ၶႃႈၸဝ်ႈမီးၸႂ်ဢၼ်သေလၢႆလႄႈလၢတ်ႈဝႃႈ၊ ‘ၵဝ်တၵ်းဢမ်ႇယုၵ်ႉမိုဝ်းၵဝ်ႁႂ်ႈလႆႈတိူဝ်ႉထုၵ်ႇၸဝ်ႈၵဝ်လႃးလႃး၊ၵွပ်ႈပိူဝ်ႈဢၼ်ၸဝ်ႈၵဝ်ပဵၼ်ၵေႃႉဢၼ် ထႃႇဝရႃႉၽြႃး၊ ပၼ်ၽိၵ်ႈသိၵ်ႈဝႆႉၼၼ်ႉဢေႃႈ၊’ ဝႃႈၼင်ႇၼႆတီႈၶႃႈဢေႃႈ။-