1 Samuel 26:19 — Compare Translations

2 translations compared side by side

မိူဝ်ႈလဵဝ်ၼႆႉၸိုင်၊ ၸဝ်ႈပဵၼ်ၸဝ်ႈ၊ ၸဝ်ႈၶုၼ်လူင်တီႈၶႃႈဢိူၺ်း၊ ထွမ်ႇဢဝ်ၵႂၢမ်းၶႃႈၸဝ်ႈႁဝ်းၼႆႉသေၵမ်းတီႈၶႃႈ၊ ပေႃးထႃႇဝရႃႉၽြႃး တိုၵ်းယူင်းၸဝ်ႈႁဝ်း ႁႂ်ႈၸဝ်ႈႁဝ်းယူႇၽၢႆႇၼိုင်ႈတင်းၶႃႈၸဝ်ႈဢမၢၼ်ႇၶၼ်ပဵၼ်ၸိုင်၊ ႁႂ်ႈမၼ်းၸဝ်ႈႁပ်ႉတုင်းဢဝ်တၢင်းဢၼ်ပုၵ်ႈၸေႃႇယိတ်ႈသေၵမ်းလူၺ်ႈ။ ဢမ်ႇၼၼ်ၵေႃႈ ပေႃးၵူၼ်းတင်းလၢႆတိုၵ်းယူင်းၸိုင်၊ ႁႂ်ႈၶဝ်လႆႈၶၢမ်ႇတၢင်းဢၼ်ၵိၼ်ႇဢၼ်ဝႃႈ ၵႃႈတီႈၽၢႆႇၼႃႈထႃႇဝရႃႉၽြႃးသေၵမ်းလူၺ်ႈ။ လွင်ႈမၼ်းၸမ်ႉ ၶဝ်ဢွၼ်ၵၼ်ႁေႃႈၶႃႈၸဝ်ႈဢွၵ်ႇပႅတ်ႈဝၼ်းမိူဝ်ႈၼႆႉ ႁႂ်ႈၶႃႈၸဝ်ႈဢမ်ႇလႆႈယူႇလႆႈသဝ်းၵႃႈတီႈလိၼ်ဢမူၺ်ႇၸဝ်ႈလႄႈဝႃႈ၊ ၵႂႃႇတႃႉ။ ႁဵတ်းဝၢတ်ႈတီႈၽြႃးတၢင်ႇသူႇတၢင်ႇပႃးၸိူဝ်းၼၼ်ႉတႃႉ၊ ဝႃႈၼင်ႇၼႆတီႈၶႃႈယဝ်ႉလူင်ပႄႇ။-

ၸဝ်ႈၶုၼ်လူင်တီႈၶႃႈ႟။ ၶႅၼ်းတေႃႈထွမ်ႇငိၼ်းၵႂၢမ်းဢၼ်ၶႃႈၸဝ်ႈလၢတ်ႈယူႇမိူဝ်ႈလဵဝ်ၼႆႉသေၵမ်းတီႈၶႃႈ။ ပေႃးပဵၼ်တၢင်းဢၼ် ထႃႇဝရႃႉၽြႃး၊ တိုၵ်းယူင်းၸဝ်ႈႁဝ်းႁႂ်ႈၸဝ်ႈႁဝ်းယူႇၽၢႆႇၼိုင်ႈတင်းၶႃႈၸဝ်ႈၸိုင်၊တၢင်းဢၼ်ႁဵတ်းတၢင်းလူႇတီႈမၼ်းၸဝ်ႈၼၼ်ႉၸၢင်ႈႁႂ်ႈတၢင်းၵျၢမ်ႇမၼ်းၸဝ်ႈလႅၵ်ႈလၢႆႈၶိုၼ်းလႆႈယူႇတီႈၶႃႈဢေႃႈ။ သင်သမ်ႉပဵၼ်တၢင်းဢၼ်ၵူၼ်းတိုၵ်းယူင်းၸဝ်ႈႁဝ်းၸိုင်၊ႁႂ်ႈတၢင်းဢၼ် ထႃႇဝရႃႉၽြႃး၊ ၵိၼ်ႇဝႃႈၼၼ်ႉတူၵ်းႁွတ်ႈၵႃႈၼိူဝ်ၶဝ်သေၵမ်းလူၺ်ႈ။ လွင်ႈမၼ်းၸမ်ႉ၊ၶဝ်ႁေႃႈၶႃႈၸဝ်ႈဢွၵ်ႇၵႂႃႇပႅတ်ႈသေၵႃႈတီႈလိၼ်ဢမူၺ်ႇဢၼ် ထႃႇဝရႃႉၽြႃး၊ ပၼ်ၼၼ်ႉလႄႈလၢတ်ႈဝႃႈ၊ ‘မႂ်းၵႂႃႇဝႆႈၽြႃးတၢင်ႇသူႇတၢင်ႇပႃးတႃႉ’ ဝႃႈတီႈၶႃႈၸဝ်ႈႁဝ်းၸိူဝ်ႉၼင်ႇၼႆယဝ်ႉဢေႃႈ။-