1 Samuel 28:7 — Compare Translations

2 translations compared side by side

မိူဝ်ႈၼၼ်ႉ သေႃးလူႉ လၢတ်ႈတီႈၶႃႈမၼ်းၵူၼ်းမၼ်းလႄႈဝႃႈ၊ ႁႃမႄႈယိင်းဢၼ်ၽီၶဝ်ႈၼၼ်ႉပုၼ်ႈၵဝ်တႃႉ။ ၵဝ်တၵ်းၵႂႃႇလႄႈ တွင်ႈထၢမ်တီႈမၼ်းဢေႃႈ၊ ဝႃႈၼင်ႇၼႆသေယဝ်ႉ၊ ၶႃႈမၼ်းၵူၼ်းမၼ်းလဝ်ႊလၢတ်ႈလႄႈဝႃႈ၊ တူၺ်းတီႈၶႃႈလူး၊ ၵႃႈတီႈဝဵင်း ဢိၼ်ႇတေႃးရႃႉ ၼၼ်ႉ မီးမႄႈယိင်းဢၼ်ၽီၶဝ်ႈတီႈၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊-

မိူဝ်ႈၼၼ်ႉ သေႃးလု၊ ပူင်ဢမိင်ႉတီႈၶုၼ်ဢၼ်ပွင်ၵၢၼ်ၼႂ်းႁေႃမၼ်းတင်းလၢႆလႄႈဝႃႈ၊ “ႁႃမႄႈယိင်းဢၼ်ပဵၼ်မႄႈၽီၼၼ်ႉပုၼ်ႈၵဝ်တႃႉ။ ၵဝ်တၵ်းၵႂႃႇလႄႈတွင်ႈထၢမ်တီႈမၼ်းဢေႃႈ၊” ဝႃႈၼင်ႇၼႆဢေႃႈ။ ၶဝ်ၼၼ်ႉၶိုၼ်းလဝ်ႈလၢတ်ႈလႄႈဝႃႈ၊ “မီးမႄႈၽီၵေႃႉၼိုင်ႈၵႃႈတီႈဝဵင်း ဢိၼ်ႇတေႃးရႃႉ၊ ဢေႃႈ၊” ဝႃႈၼင်ႇၼႆဢေႃႈ။