2 Chronicles 14:7 — Compare Translations

2 translations compared side by side

လွင်ႈမၼ်းၸမ်ႉ မၼ်းမီးဢမိင်ႉတီႈၵူၼ်းမဵဝ်း ယူႉတႃႉ တင်းလၢႆလႄႈဝႃႈ၊ ဢွၼ်ၵၼ်ပွင်ႁဵတ်းပွင်မႄး ဝဵင်းဢၼ်ၸိူဝ်ႉၼင်ႇၼႆၼၼ်ႉလႄႈ ႁဵတ်းလမ်းဝဵင်း၊ လၢင်းၸီး၊ ၽၵ်းတူ တင်းၵိူၼ်ႇၽၵ်းတူတင်းလၢႆတႃႉႁဝ်း။ မိူင်းၸဝ်ႈယင်းမီးယူႇတႂ်ႈမိုဝ်းႁဝ်း ၵွပ်ႈပိူဝ်ႈဢၼ်ႁဝ်းၵျူဝ်းၸႃးႁႃထႃႇဝရႃႉၽြႃး ၽြႃးပဵၼ်ၸဝ်ႈႁဝ်းၼၼ်ႉဢေႃႈ။ ႁဝ်းၵျူဝ်းၸႃးႁႃမၼ်းၸဝ်ႈလႄႈ မၼ်းၸဝ်ႈပၼ်ဢၶႂၢင်ႉဢၼ်လႆႈတဵတ်ႇလီၼိမ်လီၵူႈၽၢႆႇၵူႈပႃႈယဝ်ႉ၊ ဝႃႈၼင်ႇၼႆဢေႃႈ ၼင်ႇၼၼ်လႄႈၶဝ်ဢွၼ်ၵၼ်ပွင်ႁဵတ်းပွင်မႄးလႄႈ ႁဵတ်းလႆႈပဵၼ်လႆႈဢေႃႈ။-

လွင်ႈမၼ်းၸမ်ႉ၊မၼ်းမီးဢမိင်ႉတီႈၵူၼ်းမိူင်း ယုတႃႉ၊ တင်းလၢႆလႄႈဝႃႈ၊ “ဢွၼ်ၵၼ်ပွင်ႁဵတ်းပွင်မႄးဝဵင်းဢၼ်မၼ်ႈၶိူင်ႇလႄႈႁဵတ်းလမ်းဝဵင်းလႂ်၊သဝ်လၢင်းလႂ်၊တင်းၽၵ်းတူဢၼ်ဢိုတ်းႁပ်းလႄႈသွတ်ႇၵိူၼ်ႇဝႆႉၼၼ်ႉၸိူဝ်းၼၼ်ႉတႃႉႁဝ်း။ ႁဝ်းလႆႈဢုပ်ႉပိူင်ႇဢုပ်ႉထိင်းမိူင်းၸဝ်ႈယူႇၵွပ်ႈပိူဝ်ႈဢၼ်ႁဝ်းၵမ်ၵျၢင်ႉၸွမ်းဢလူဝ်ႇ ထႃႇဝရႃႉၽြႃး၊ ၽြႃးပဵၼ်ၸဝ်ႈႁဝ်းၼၼ်ႉဢေႃႈ။ မၼ်းၸဝ်ႈၵႅတ်ႇၶႄႁႄႉၵင်ႈႁဝ်းယူႇၵူႈၽၢႆႇၵူႈပႃႈလႄႈႁဝ်းလႆႈယူႇတဵတ်ႇလီၼိမ်လီဢေႃႈ၊” ဝႃႈၼင်ႇၼႆလႄႈၶဝ်ဢွၼ်ၵၼ်ပွင်ႁဵတ်းပွင်မႄးႁႂ်ႈယဝ်ႉတူဝ်ႈလီငၢမ်းဢေႃႈ။-