2 Chronicles 15:8 — Compare Translations

2 translations compared side by side

မိူဝ်ႈဢၼ် ဢႃႇသႃႉ ငိၼ်းၵႂၢမ်းၼၼ်ႉ ဢိၵ်ႇတင်းၵႂၢမ်းဢၼႃႇၵၢတ်ႈတီႉပရေႃးၽႅတ်ႈ ဢူဝ်းတိတ်ႉ ၼၼ်ႉၸိုင်၊ မၼ်းမီးတၢင်းဢၼ်ႁတ်းဢၼ်ႁၢၼ်လႄႈ ပႄႇၽဵဝ်ႈၶိူင်ႈဢၼ်လီႁင်ႈဢဵတ်ႇသဵတ်ႇတင်းလၢႆဢၼ်မီးၵႃႈတီႈမိူင်း ယူႉတႃႉ ၊ မိူင်း ပိၼ်ႇယႃႇမိၼ်ႇ ၵူႈတီႈၵူႈလႅၼ်ဢိၵ်ႇတင်းၵႃႈတီႈဝဵင်းဢၼ်မၼ်းတိုၵ်းဢဝ် ၵႃႈၼိူဝ်ႁၢၼ်ႉလွႆ ဢေႇၽရိမ်ႇ ၸိူဝ်းၼၼ်ႉပႅတ်ႈလႄႈ မႄးၵုမ်းမႄးႁဵတ်းယိတ်ႈပလၢင်ႇထႃႇဝရႃႉၽြႃး ဢၼ်မီးၵႃႈတီႈၽၢႆႇၼႃႈႁိူၼ်း ၼႃႈႁိူၼ်းၸဝ်ႈၼၼ်ႉဢေႃႈ။-

မိူဝ်ႈဢၼ် ဢႃႇသႃႉ၊ ငိၼ်းၵႂၢမ်းဢၼ်ပဵၼ်ၵႂၢမ်းပရေႃးၽႅတ်ႈ ဢႃႇၸရိ၊ လုၵ်ႈၸၢႆး ဢူဝ်းတိတ်ႉ လၢတ်ႈၼၼ်ႉၸိုင်၊မၼ်းမီးၸႂ်ႁႅင်းယႂ်ႇသေယဝ်ႉ၊ပႄႇၽဵဝ်ႈႁုၼ်ႇႁၢင်ႈသၢင်းထုဢၼ်မီးၼႂ်းမိူင်း ယုတႃႉ၊ မိူင်း ပိၼ်ႇယႃႇမိၼ်ႇ၊ ၵူႈတီႈၵူႈလႅၼ်၊ဢိၵ်ႇတင်းၵႃႈတီႈဝဵင်းဢၼ်မၼ်းတိုၵ်းသိမ်းဢဝ်ၵႃႈၼိူဝ်လွႆ ဢေႇၽရိမ်ႇ၊ ၸိူဝ်းၼၼ်ႉပႅတ်ႈလႄႈမႄးၵုမ်းမႄးႁဵတ်းၶဵင်ႇတၢင်းလူႇ ထႃႇဝရႃႉၽြႃး၊ ဢၼ်မီးၵႃႈၼႂ်းပၢင်ႇဝၢင်းၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။