2 Chronicles 23:13 — Compare Translations

2 translations compared side by side

မုင်ႈႁၼ်ၶုၼ်ႁေႃၶမ်းၸုၵ်းၵႃႈတီႈႁိမ်းသဝ်ႁူးသူပ်းတီႈဢၼ်ၶဝ်ႈၸူးၼၼ်ႉယူႇ၊ တပ်ႉမူးတင်းလၢႆဢိၵ်ႇတင်းၶဝ်ၸိူဝ်းဢၼ် ပဝ်ႇတိုင်ႈၼႄးၶရႃႇၼၼ်ႉၸိူဝ်းၼၼ်ႉ ၸုၵ်းၵႃႈတီႈႁိမ်းၶုၼ်ႁေႃၶမ်းယူႇသေလႄႈ၊ ၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင်ၸူမ်းသိူဝ်းလႄႈ ပဝ်ႇတိုင်ႈၼႄးၶရႃႇယူႇ၊ မေႃၵႂၢမ်းတင်းလၢႆ ယိပ်းၵမ်တူႇရီႉယႃႇၵူႈၸိူဝ်ႉၵူႈမဵဝ်းလႄႈ ဢွၼ်ႁူဝ်ႁဵတ်းၵႂၢမ်းယွင်ႈယေႃးယူႇၼၼ်ႉသေယဝ်ႉ၊ ဢႃႇထလီႉ ၼၼ်ႉ ၸၵ်ႉသိၵ်ႇၶူဝ်းၼုင်ႈမၼ်းသေလႄႈ သႅၼ်ႇႁွင်ႉလႄႈဝႃႈ၊ ဢမူႉဢၼ်ပုင်ႇၵၢၼ်ႇလူင်ပႄႇ။ ဢမူႉဢၼ်ပုင်ႇၵၢၼ်ႇလူင်ပႄႇ၊ ဝႃႈၼင်ႇၼႆဢေႃႈ။-

ၵႃႈတီႈၼၼ်ႈမၼ်းၼၢင်းႁၼ်ၶုၼ်ႁေႃၶမ်းပႃးမႂ်ႇၸုၵ်းယူႇၵႃႈတီႈႁူးၽၵ်းတူဢၼ်ၶဝ်ႈၸူးတီႈၵျွင်းပိၵ်ႈမၢၼ်ႇၸဝ်ႈယူႇလႄႈၶုၼ်သိုၵ်းလႂ်တင်းၵူၼ်းပဝ်ႇတိုင်ႈၼႄးၶရႃႇလႂ်ၸုၵ်းတၢမ်းၵၼ်ယူႇႁိမ်းၶုၼ်ႁေႃၶမ်းၼၼ်ႉ၊ဢိၵ်ႇတင်းၵူၼ်းတင်းလၢႆဢွၼ်ၵၼ်ႁွင်ႉပၢဝ်ႇႁွင်ႉသႅၼ်ႇၸူမ်းၸူမ်းသိူဝ်းသိူဝ်းယူႇ၊ၵူၼ်းပဝ်ႇတိုင်ႈၼႄးၶရႃႇတင်းလၢႆၵေႃႈပဝ်ႇတိုင်ႈၼႄးၶရႃႇယူႇ၊ၵူၼ်းလဵတ်းတူႇရိယႃႇတီႈၵျွင်းပိၵ်ႈမၢၼ်ႇၸဝ်ႈတင်းလႆၵေႃႈလဵတ်းတိင်ႇလဵတ်းတရေႃးၶဝ်ယူႇလႄႈဢွၼ်ႁူဝ်ႁဵတ်းၵႂၢမ်းယွင်ႈယေႃးယူႇဢေႃႈ။ မိူဝ်ႈၼၼ်ႉမၼ်းၼၢင်းၸၵ်ႉသိၵ်ႇၶူဝ်းၼုင်ႈမၼ်းၼၢင်းလႄႈႁွင်ႉသႅၼ်ႇဝႃႈ၊ “ပဵၼ်တၢင်းဢၼ်လုၵ်ႉၽိုၼ်ႉလူင်ပႄႇ။ ပဵၼ်တၢင်းဢၼ်လုၵ်ႉၽိုၼ်ႉလူင်ပႄႇ၊” ဝႃႈၼင်ႇၼႆဢေႃႈ။