2 Chronicles 31:1 — Compare Translations

2 translations compared side by side

မိူဝ်ႈဢၼ်လွင်ႈတၢင်းၵႃႈမီးၼၼ်ႉယဝ်ႉတူဝ်ႈယဝ်ႉၼၼ်ႉၸိုင် ၵူၼ်း ဢီႉသရေႇလႃႉ ဢၼ်မႃးၸူႉၵၼ်တုမ်ၵၼ်ၵႃႈမီးၼၼ်ႉ ဢွၼ်ၵၼ်ဢွၵ်ႇၸူး ၵႃႈတီႈဝဵင်း ယူႉတႃႉ တင်းလၢႆလႄႈ ႁၵ်းႁဵၵ်းသဝ်တီႈၵူဝ်းၵႂၢႆႇလႂ်၊ ပမ်ႈလူမ်ႉတူၼ်ႈ ဢႃႇသရႃႉ လႂ်၊ ၵိူၼ်ႇယႃႉထႃႇၼႃႉတီႈသုင်လႂ် တင်းယိတ်ႈပလၢင်ႇလႂ်ပႅတ်ႈသေ ၵႃႈၼႂ်းမိူင်း ယူႉတႃႉ ၊ မိူင်း ပိၼ်ႇယႃႇမိၼ်ႇ ၊ မိူင်း ဢေႇၽရိမ်ႇ ၊ မိူင်း မၼႃႇသေႇ ၵူႈတီႈၵူႈလႅၼ် တေႃႇထိုင်ႁွတ်ႈထၼ်ႈပေႃး ၶဝ်ယႃႉပႅတ်ႈၵႃႈမီးၼၼ်ႉမူတ်းမူတ်းသဵင်ႈသဵင်ႈဢေႃႈ။ လိုၼ်းၼၼ်ႉၵူၼ်းမဵဝ်း ဢီႉသရေႇလႃႉ တင်းသဵင်ႈတင်းလူင် ဢွၼ်ၵၼ်ၶိုၼ်းမိူဝ်းၵႂႃႇၵႃႈတီႈ ဝၢၼ်ႈဝဵင်းတီႈယူႇဢၼ်ၶဝ်ပိူင်ႇႁင်းၽႂ်ႁင်းမၼ်းၼၼ်ႉသေဢေႃႈ။

ဝၢႆးသေပွႆးၼၼ်ႉယဝ်ႉတူဝ်ႈယဝ်ႉၼၼ်ႉၸိုင်၊ၵူၼ်းမဵဝ်း ဢိသရေး၊ ဢၼ်မႃးၶဝ်ႈပွႆးၵႃႈမီးၸိူဝ်းၼၼ်ႉဢွၼ်ၵၼ်ဢွၵ်ႇၵႂႃႇၸူးတီႈဝဵင်း ယုတႃႉ၊ တင်းလၢႆလႄႈႁၵ်းႁိၵ်းသဝ်တီႈၵူဝ်းၵႂၢႆႇလႂ်၊ၽၼ်းလူမ်ႉပႅတ်ႈသဝ်ႁုၼ်ႇႁၢင်ႈၼၢင်းၽီ ဢႃႇသရႃႉ၊ လႂ်၊ၵိူၼ်ႇယႃႉၶဵင်ႇတၢင်းလူႇလႂ်၊တင်းထႃႇၼႃႉတီႈဝႆႈၽြႃးတၢင်ႇသူႇတၢင်ႇပႃးလႂ်ၸိူဝ်းၼၼ်ႉပႅတ်ႈဢေႃႈ။ ၶဝ်ႁဵတ်းၸိူဝ်ႉၼင်ႇၼၼ်ၵႃႈၼႂ်းမိူင်း ယုတႃႉ၊ ၵူႈတီႈၵူႈလႅၼ်၊ၵႃႈၼႂ်းဢိူင်ႇ ပိၼ်ႇယႃႇမိၼ်ႇ၊ ဢိူင်ႇ ဢေႇၽရိမ်ႇ၊ ဢိူင်ႇ မၼႃႇသေႇ၊ မူတ်းမူတ်းသဵင်ႈသဵင်ႈသေယဝ်ႉ၊ၶိုၼ်းမိူဝ်းၵႂႃႇတီႈဝၢၼ်ႈဝဵင်းတီႈယူႇၶဝ်ႁင်းၽႂ်ႁင်းမၼ်းသေဢေႃႈ။