2 Chronicles 5:11 — Compare Translations

2 translations compared side by side

မိူဝ်ႈဢၼ်ယိတ်ႈပရေႃးႁဵၵ်ႈၸိူဝ်းၼၼ်ႉဢွၵ်ႇသေၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉ၊ ၵွပ်ႈပိူဝ်ႈဢၼ်ယိတ်ႈပရေႃးႁဵၵ်ႈ ဢၼ်ၸူႉၵၼ်တုမ်ၵၼ်တင်းသဵင်ႈတင်းလူင်ၼၼ်ႉ ႁႂ်ႈတူဝ်ၸဝ်ႈၵဝ်ႇပဵၼ်ဢၼ်မူတ်းၸၢင်ႇဝႆႉယဝ်ႉလႄႈ ဢမ်ႇပႂ်ႉဢမူႉၸဝ်ႈယူႇၸွမ်းၵႃႈၼင်ႇဢၼ်တူၵ်းလႄႉတူၵ်းၵမ်းၼၼ်ႉ၊-

မိူဝ်ႈဢၼ်ယဵၸ်ႈပရေႃးႁဵၵ်ႈၸိူဝ်းၼၼ်ႉဢွၵ်ႇမႃးသေၵႃႈတီႈထႃႇၼႃႉတီႈဢၼ်မူတ်းၸၢင်ႇသေပိူၼ်ႈ၊ (ၵွပ်ႈပိူဝ်ႈဢၼ်ယဵၸ်ႈပရေႃးႁဵၵ်ႈၸိူဝ်းဢၼ်ၸုဢၼ်တုမ်ၵၼ်တင်းသဵင်ႈတင်းလူင်ၼၼ်ႉၶဝ်လႆႈပႃးၼႂ်းၸုမ်းဢၼ်တူၵ်းလႄႉတူၵ်းၵမ်းဢၼ်လႂ်သေဢမ်ႇဝႃႈ၊ၶဝ်လႆႈႁဵတ်းႁႂ်ႈတူဝ်ၸဝ်ႈၵဝ်ႇမူတ်းၸၢင်ႇဝႆႉယဝ်ႉ။ ဢိၵ်ႇတင်းမဵဝ်းၸိူဝ်ႉၶိူဝ်း လေႇဝိ၊ ဢၼ်ပဵၼ်ၵူၼ်းႁဵတ်းၵႂၢမ်းတင်းသဵင်ႈဢၼ်ပဵၼ်၊ ဢႃႇသပ်ႉ၊ႁေႇမၼ်ႇ၊ယေႇတုႀုၼ်ႇ၊ ဢိၵ်ႇတင်းလုၵ်ႈလၢၼ်ၶဝ်၊ဢိၵ်ႇတင်းပီႈၼွင်ႉၸိူဝ်ႉၶိူဝ်းၶဝ်လႆႈၼုင်ႈမႆၽႃႈပၢၼ်ႇၶျေႃးလႄႈပႃးဢဝ်တင်းသဵင်တိင်ႇ၊သဵင်သႅင်ႇ၊သဵင်တရေႃးသေယဝ်ႉ၊ဢွၼ်ၵၼ်ၸုၵ်းၵႃႈတီႈၽၢႆႇဝၼ်းဢွၵ်ႇၶဵင်ႇတၢင်းလူႇယူႇလူၺ်ႈၵၼ်တင်းယဵၸ်ႈပရေႃးႁဵၵ်ႈပၢၵ်ႇသၢဝ်းၵေႃႉဢၼ်ပဝ်ႇၼႄးၶရႃႇယူႇၼၼ်ႉ) ၸိူဝ်းၼၼ်ႉ။ ဢွၼ်ၵၼ်ပဝ်ႇတိုင်ႈၼႄးၶရႃႇယူႇ၊ဢိၵ်ႇတင်းၶဝ်ၸိူဝ်းဢၼ်ႁဵတ်းၵႂၢမ်းၼၼ်ႉၽွမ်ႉၵၼ်သေလႄႈႁဵတ်းၵႂၢမ်းသဵင်လဵဝ်ၵၼ်ယူႇႁႂ်ႈလႆႈယွင်ႈယေႃးတၢင်ႇၵျေးၸူး ထႃႇဝရႃႉၽြႃး၊ ဢေႃႈ။ ယၢမ်းမိူဝ်ႈဢၼ်ၶဝ်ဢွၼ်ၵၼ်ႁဵတ်းၵႂၢမ်းႁူမ်ႈလူၺ်ႈၵၼ်တင်းၼႄးၶရႃႇလႂ်၊သႅင်ႇလႂ်၊တင်းသဵင်တူႇရိယႃႇၵူႈမဵဝ်းမဵဝ်းလႂ်ယွင်ႈယေႃး ထႃႇဝရႃႉၽြႃး၊ လႄႈႁဵတ်းၵႂၢမ်းဝႃႈ၊ “ယွင်ႈယေႃး ထႃႇဝရႃႉၽြႃး၊ ၵွပ်ႈပိူဝ်ႈဢၼ်မၼ်းၸဝ်ႈမျၢတ်ႈလီၼႃႇလူင်လၢင်ၼၼ်ႉတီႈၶႃႈဢေႃႈ။ ၵရုၼႃႇမၼ်းၸဝ်ႈတႄႇယူႇမၼ်ႈၶိူင်ႇတႃႇသေႇတီႈၶႃႈဢေႃႈ။” ဝႃႈၼင်ႇၼႆယူႇၼၼ်ႉၸိုင်၊ၵျွင်းပိၵ်ႈမၢၼ်ႇၸဝ်ႈ ထႃႇဝရႃႉၽြႃး၊ တဵမ်ဝႆႉတင်းမွၵ်ႇၵုမ်ႈ။ ၵွပ်ႈပိူဝ်ႈမွၵ်ႇၵုမ်ႈၼၼ်ႉလႄႈယဵၸ်ႈပရေႃးႁဵၵ်ႈၸိူဝ်းၼၼ်ႉထၢၼ်ႈပေႃးဢမ်ႇၸၢင်ႈသိုပ်ႇႁဵတ်းဝၢတ်ႈၵူဝ်းၵႂၢႆႇမၼ်းၸဝ်ႈလႆႈဢေႃႈ။ လွင်ႈမၼ်းၸမ်ႉ၊မုၼ်ၽုင်း ထႃႇဝရႃႉၽြႃး၊ တဵမ်ဝႆႉၵႃႈၼႂ်းၵျွင်းပိၵ်ႈမၢၼ်ႇၽြႃးပဵၼ်ၸဝ်ႈၼၼ်ႉဢေႃႈ။