2 Chronicles 6:32 — Compare Translations

2 translations compared side by side

ပေႃးၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်ဢမ်ႇၸႂ်ႈၵူၼ်းၸဝ်ႈႁဝ်းမဵဝ်း ဢီႉသရေႇလႃႉ ၼၼ်ႉ ထွၵ်ႈလူၺ်ႈၼႃႇမႃႉၸိုဝ်ႈသဵင် ၸဝ်ႈႁဝ်းဢၼ်ယႂ်ႇမျၢတ်ႈၼႃႇ ဢိၵ်ႇတင်းမိုဝ်းၸဝ်ႈႁဝ်းဢၼ်တၼ်းၶူဝ်းယႂ်ႇၼႃႇ တင်းၶႅၼ်ၸဝ်ႈႁဝ်းဢၼ်ယဵတ်ႇယိုၼ်ႈၼၼ်ႉသေလႄႈ လုၵ်ႉသေၵႃႈတီႈမိူင်းဢၼ်ၵႆမႃးလႄႈ ႁွတ်ႈမႃးသေယဝ်ႉ၊ သူးတွင်းၸူးၵႃႈတီႈႁိူၼ်းၸဝ်ႈၼႆႉၸိုင်၊-

“မိူၼ်ၸိူဝ်ႉၼင်ႇၼၼ်၊ပေႃးၵူၼ်းတၢင်ႇသိုင်ႇတၢင်ႇမိူင်းဢၼ်ယူႇဝၢၼ်ႈၵႆမိူင်းယၢၼ်ၼၼ်ႉလႆႈငိၼ်းၶၢဝ်ႇၼႃႇမႃႉၸိုဝ်ႈသဵင်ၸဝ်ႈႁဝ်း၊ဢိၵ်ႇတင်းၶၢဝ်ႇတၢင်းႁဵတ်းၸဝ်ႈႁဝ်းဢၼ်ယႂ်ႇမျၢတ်ႈၼႃႇဢၼ်ႁဵတ်းပၼ်တီႈၵူၼ်းၸဝ်ႈႁဝ်းၼၼ်ႉသေလႄႈ၊မႃးဝႆႈသႃၵူဝ်းၵႂၢႆႇၸဝ်ႈႁဝ်း၊သူးတွင်းၵႃႈတီႈၵျွင်းပိၵ်ႈမၢၼ်ႇၼႆႉၸိုင်၊-