2 Corinthians 3:7 — Compare Translations

2 translations compared side by side

ပေႃးတြႃးတၢင်းတၢႆ ဢၼ်ဢဝ်တူဝ်လိၵ်ႈ၊ဢႅၵ်ႉၶရႃႇတႅမ်ႈဝႆႉၼၼ်ႉ၊ ပျေႉၸုမ်ႇတင်းမုၼ်ၽုင်းဢႃႇၼူႉၽေႃႇ တေႃႇထိုင်ႁွတ်ႈထၼ်ႈပေႃး၊ ၵူၼ်း ဢီႉသရေႇလႃႉ တင်းလၢႆ ဢမ်ႇတူၺ်းၼႃႈ မူဝ်းသေႇ ၸေးၸေးၸွတ်ႇၸွတ်ႇလႆႈ ၵွပ်ႈပိူဝ်ႈသၢႆဢရွင်ႇ၊ဢၼ်ဢွၵ်ႇၵႃႈတီႈၼႃႈမၼ်းဢၼ်ဝႃႈ သၢႆဢရွင်ႇဢၼ်ၸၢင်ႈႁၢႆၵႂႃႇၼၼ်ႉၸိုင်၊-

တြႃးၵဝ်ႇၼၼ်ႉ၊ပဵၼ်တူဝ်လိၵ်ႈဢႅၵ်ႉၶရႃႇဢၼ်ၶႅၵ်းဝႆႉ၊ၵႃႈၼိူဝ်ၶႅပ်းမၢၵ်ႇႁိၼ်လႄႈမိူဝ်ႈဢၼ်ၽြႃးပဵၼ်ၸဝ်ႈပၼ်တြႃးၼၼ်ႉၸိုင်၊မုၼ်ၽုင်းမၼ်းၸဝ်ႈလႆႈပေႃႇဢွၵ်ႇထၢင်ႇသႃးမႃးၵႃႈတီႈ မူဝ်းသေႇ၊ ဢေႃႈ။ ပိၵ်ႉသမ်ႉဝႃႈ၊ဢရွင်ႇၼႃႈ မူဝ်းသေႇ၊ ဢၼ်ႁိူဝ်ႈႁိူင်းၼႃႇၼၼ်ႉပဵၼ်ဢၼ်ၸၢင်ႈႁၢႆၵႂႃႇသေၵေႃႈ၊မၼ်းပဵၼ်သၢႆဢရွင်ႇဢၼ်ႁိူဝ်ႈလႅင်းၼႃႇထၢၼ်ႈပေႃးၵူၼ်းမဵဝ်း ဢိသရေး၊ ၶဝ်ဢမ်ႇယႅၵ်ႉဢမ်ႇတူၺ်းၼႃႈမၼ်းလႆႈဢေႃႈ။ ပေႃးတြႃးဢၼ်ပၼ်တၢမ်ႇတၢႆၼၼ်ႉ၊ယင်းမီးမုၼ်ၽုင်းထၢၼ်ႇၼၼ်ႉၸိုင်၊-