2 Corinthians 7:11 — Compare Translations

2 translations compared side by side

တူၺ်းလွင်ႈဢၼ်တၢင်းၸႂ်လဵၵ်ႉသူ ဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈၼၼ်ႉ ၸၢင်ႈပွင်ႁဵတ်းတၢင်းဢၼ်ႁဵတ်းသတီႉၸိူဝ်ႉၼင်ႇႁိုဝ်။ တၢင်းဢၼ်ၽေႇဢပႅတ်ႈၸိူဝ်ႉၼင်ႇႁိုဝ်။ တၢင်းဢၼ်ၸႂ်ႁွၼ်ႉၸႂ်မႆႈၸိူဝ်ႉၼင်ႇႁိုဝ်။ တၢင်းဢၼ်ၵူဝ်ႁႄၸိူဝ်ႉၼင်ႇႁိုဝ်။ တၢင်းဢၼ်တူၵ်းဢၢင်ႈၼႃႇလူင်လၢင်ၸိူဝ်ႉၼင်ႇႁိုဝ်။ တၢင်းဢၼ်ၸီႇယၢင်ႇတၢမ်ႇၸွမ်းၼင်ႇတြႃးၸိူဝ်ႉၼင်ႇႁိုဝ်ၸိူဝ်းၼၼ်ႉ ၵႃႈၼႂ်းသူၼၼ်ႉတႃႉ၊ ၼႂ်းၵူႈၸိူဝ်ႉၵူႈပိူင် သူၼႄပျႃးလွင်ႈဢၼ်သူ ၵၢင်းလွတ်ႈတင်းဢပႅတ်ႈၼႂ်းဢမူႉၼႆႉထၢင်ႇထၢင်ႇသႃးသႃးမႃးယဝ်ႉ။-

ဝူၼ်ႉတူၺ်းလွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းႁႂ်ႈသူၸႂ်လဵၵ်ႉၼၼ်ႉလူး။ လွင်ႈတၢင်းၼၼ်ႉပွင်ႁဵတ်းႁႂ်ႈသူၶတ်းၸႂ်ၶတ်းၶေႃးထၢၼ်ႇႁိုဝ်။ ႁႂ်ႈသူမီးၸႂ်ၼႄပျႃးလွင်ႈဢၼ်သူၵၢင်းလွတ်ႈတင်းဢပျတ်ႈထၢၼ်ႇႁိုဝ်။ တၢင်းဢၼ်သူတိူဝ်ႉၸႂ်၊တူၵ်းၸႂ်ထၢၼ်ႇႁိုဝ်၊တၢင်းဢၼ်သူၶႆႈၸႂ်ထိုင်ၵဝ်ထၢၼ်ႇႁိုဝ်၊သူပႂ်ႉသဵတ်ႈၸႃႇထၢၼ်ႇႁိုဝ်၊သူၽွမ်ႉၵၼ်ပၼ်တၢမ်ႇဢပျတ်ႈထၢၼ်ႇႁိုဝ်ၸိူဝ်းၼႆႉ၊ၼႄပျႃးတၢင်းဢၼ်သူၵၢင်းလွတ်ႈတင်းဢပျတ်ႈၼႂ်းလွင်ႈတၢင်းၵူႈၸိူဝ်ႉၵူႈပိူင်ၼႆႉယဝ်ႉဢေႃႈ။