2 Kings 18:26 — Compare Translations

2 translations compared side by side

မိူဝ်ႈၼၼ်ႉ ဢေးလျႃႇၵိမ်ႇ လုၵ်ႈၸၢႆး ႁီႉလၵီႉ၊ သေႇပၼႃႉ၊ ယေႃႇဢႃႇ ၸိူဝ်းၼၼ်ႉ လၢတ်ႈတီႈ ရႃႇပသႃႇၶႃႉ လႄႈဝႃႈ၊ ဢဝ်ၽႃႇသႃႇၵႂၢမ်း ဢႃႇရမီႉ မီးဢမိင်ႉတီႈၶႃႈၸဝ်ႈႁဝ်းၸိူဝ်းၼႆႉသေၵမ်း။ ၶႃႈၸဝ်ႈႁဝ်းၸိူဝ်းၼႆႉ ႁူႉၵႂၢမ်းၼၼ်ႉယူႇၶႃႈဢေႃႈ။ ယႃႇပေဢဝ် ၽႃႇသႃႇၵႂၢမ်း ယူႉတႃႉ မီးဢမိင်ႉတီႈၶႃႈၸဝ်ႈႁဝ်းၸိူဝ်းၼႆႉ ႁႂ်ႈႁွတ်ႈထိုင်ႁူၶဝ်ၸိူဝ်းဢၼ် မီးယူႇၵႃႈၼိူဝ်လမ်းဝဵင်းၼၼ်ႉသေၵမ်း၊ ဝႃႈၼင်ႇၼႆသေယဝ်ႉ၊-

မိူဝ်ႈၼၼ်ႉ၊ ဢေးလျႃႇၵိမ်း၊ လုၵ်ႈၸၢႆး ႁိလၶိ၊သေႇပၼႃႉ၊ ဢိၵ်ႇတင်း ယေႃႇဢႃႇ၊ ၼၼ်ႉလၢတ်ႈတီႈ ရႃႇပသႃႇၶႃႉ၊ ၶုၼ်ဢၼ်ပွင်ၵၢၼ်ၼၼ်ႉလႄႈဝႃႈ၊ “ၶႅၼ်းတေႃႈလၢတ်ႈတင်းၵႂၢမ်း ဢႃႇရမိၵ်ႉ၊ တီႈႁဝ်းၶႃႈသေၵမ်းၶႃႈ။ ႁဝ်းၶႃႈႁုထွမ်ႇၵႂၢမ်းၼၼ်ႉၶႃႈဢေႃႈ။ ယႃႇပေလၢတ်ႈတင်းၵႂၢမ်း ႁေႇပြႄး၊ သေၵမ်း။ ၵူၼ်းၸိူဝ်းဢၼ်မီးယူႇၵႃႈၼိူဝ်လမ်းဝဵင်းၼၼ်ႉၵေႃႈဢွၼ်ၵၼ်ထွမ်ႇယူႇၶႃႈဢေႃႈ၊” ဝႃႈၼင်ႇၼႆဢေႃႈ။