2 Kings 19:4 — Compare Translations

2 translations compared side by side

ႁႂ်ႈထႃႇဝရႃႉၽြႃး ၽြႃးပဵၼ်ၸဝ်ႈမႂ်း ငိၼ်းၵႂၢမ်း ရႃႇပသႃႇၶႃႉ ဢၼ်ၸဝ်ႈမၼ်း ၶုၼ်ႁေႃၶမ်း ဢႃႇသူႉရီႉ ပွႆႇၸႂ်ႉမႃးႁႂ်ႈလႆႈသႄႉသွမ်းၽြႃးပဵၼ်ၸဝ်ႈ ဢၼ်ဢသၢၵ်ႈလိပ်းယူႇၼၼ်ႉတင်းသဵင်ႈတင်းလူင်သေလႄႈ ၵႄႈလိတ်ႈၵႂၢမ်းဢၼ် ထႃႇဝရႃႉၽြႃး ၽြႃးပဵၼ်ၸဝ်ႈမႂ်းငိၼ်းၼၼ်ႉသေၵမ်းလူၺ်ႈ။ မႂ်းၵေႃႈသူးတွင်းႁဵတ်းပထၼႃႇပုၼ်ႈၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇဝႆႉၼၼ်ႉသေၵမ်း၊ ဝႃႈၼင်ႇၼႆဢေႃႈ။-

ၶုၼ်ႁေႃၶမ်းၵူၼ်းမဵဝ်း ဢႃႇသီးရီးယႃး၊ ပွႆႇၸႂ်ႉၶုၼ်ဢၼ်ပွင်ၵၢၼ်ၸဝ်ႈမႃးသႄႉသွမ်းၽြႃးပဵၼ်ၸဝ်ႈဢၼ်ဢသၢၵ်ႈလိပ်းၼၼ်ႉတီႈၶႃႈယဝ်ႉ။ ႁႂ်ႈ ထႃႇဝရႃႉၽြႃး၊ ၽြႃးပဵၼ်ၸဝ်ႈမႂ်းၼၼ်ႉငိၼ်းၵႂၢမ်းဢၼ်သႄႉသွမ်းၼၼ်ႉသေလႄႈပၼ်တၢမ်ႇတီႈၵေႃႉဢၼ်လၢတ်ႈၼၼ်ႉသေၵမ်းလူၺ်ႈ။ ပိူဝ်ႈၼႆလႄႈမႂ်းသူးတွင်းတီႈၽြႃးပဵၼ်ၸဝ်ႈပုၼ်ႈၵူၼ်းႁဝ်းၸိူဝ်းဢၼ်ယင်းဢသၢၵ်ႈလိပ်းလႄႈၵိုတ်းၵျၢၼ်ႇယူႇၼႆႉသေၵမ်း၊” ဝႃႈၼင်ႇၼႆဢေႃႈ။