2 Kings 2:6 — Compare Translations

2 translations compared side by side

ဢေးလီႉယႃႉ ၵေႃႈလၢတ်ႈတီႈမၼ်းလႄႈဝႃႈ၊ မႂ်းၵိုတ်းယူႇၵႃႈတီႈၼႆႈတႃႉ၊ ထႃႇဝရႃႉၽြႃးပွႆႇၸႂ်ႉၵဝ်ၵႂႃႇ ၵႃႈတီႈၼမ်ႉႁွင်ႈ ယေႃးတၢၼ်ႇ ပုၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၶိုၼ်းလၢတ်ႈလႄႈဝႃႈ၊ ၵႃႈၼင်ႇဢၼ်ထႃႇဝရႃႉၽြႃးဢသၢၵ်ႈလိပ်းယူႇ၊ ၵႃႈၼင်ႇဢၼ် ၸဝ်ႈႁဝ်းဢသၢၵ်ႈလိပ်းယူႇၼၼ်ႉ၊ ၵဝ်ၶႃႈဢမ်ႇၽၢတ်ႇယၢၼ်ၵၼ်တင်းၸဝ်ႈႁဝ်းၶႃႈ၊ ဝႃႈၼင်ႇၼႆသေလႄႈ၊ သွင်ၶႃၵႂႃႇလူၺ်ႈၵၼ်ဢေႃႈ။-

မိူဝ်ႈၼၼ်ႉ၊ ဢေးလိယႃႉ၊ သမ်ႉလၢတ်ႈတီႈ ဢေးလိသႄး၊ လႄႈဝႃႈ၊ “ ဢေးလိသႄး၊ ႟။ မႂ်းၵိုတ်းယူႇၵႃႈတီႈၼႆႈတႃႉ။ ထႃႇဝရႃႉၽြႃး၊ ပွႆႇၸႂ်ႉၵဝ်ၵႂႃႇၸူးတီႈၼမ်ႉ ယေႃးတၢၼ်ႇ၊ ပုၼ်ႉဢေႃႈ၊” ဝႃႈၼင်ႇၼႆဢေႃႈ။ ၵူၺ်းၵႃႈ၊ ဢေးလိသႄး၊ ၶိုၼ်းလၢတ်ႈလႄႈဝႃႈ၊ “ၵဝ်ၶႃႈတိူင်ႇဝႃႈၵႃႈတီႈ ထႃႇဝရႃႉၽြႃး၊ ဢၼ်ဢသၢၵ်ႈလိပ်းယူႇ၊ဢိၵ်ႇတင်းၵႃႈတီႈၸဝ်ႈႁဝ်းလႄႈဝႃႈၸမ်ႉ၊ ‘ၵဝ်ၶႃႈတၵ်းဢမ်ႇၽၢတ်ႇယၢၼ်ၵၼ်တင်းၸဝ်ႈႁဝ်းတီႈၶႃႈ၊’ ” ဝႃႈၼင်ႇၼႆဢေႃႈ။ ၼင်ႇၼၼ်လႄႈၶဝ်သွင်ၵေႃႉၼၼ်ႉဢွၼ်ၵၼ်ၵႂႃႇလူၺ်ႈၵၼ်ဢေႃႈ။-