2 Kings 20:19 — Compare Translations

2 translations compared side by side

ႁေႇၸၵီႉ ၵေႃႈၶိုၼ်းလၢတ်ႈတီႈ ဢီႉသႃႇယႃႉ လႄႈဝႃႈ၊ ၼုၵ်ႈၵပၢတ်ႈထႃႇဝရႃႉၽြႃး ဢၼ်မႂ်းလႆႈပျၢၼ်ႇလႆႈလၢတ်ႈၼႆႉလီယဝ်ႉ၊ ဝႃႈၼင်ႇၼႆဢေႃႈ၊ မၼ်းသမ်ႉလၢတ်ႈထႅင်ႈလႄႈဝႃႈ၊ ပေႃးတၢင်းဢၼ်ၼိမ်ဢၼ်လီ၊ တၢင်းဢၼ်ပႂ်ႉသဵတ်ႈၸႃႇမီးၼႂ်းၸူဝ်ႈပၢၼ်ၵဝ်လိပ်းယူႇၼႆႉၸိုင်လီယဝ်ႉ၊ ဝႃႈၼင်ႇၼႆဢေႃႈ။

ၶုၼ်ႁေႃၶမ်း ႁေႇၸၵိ၊ ၶိုၼ်းလၢတ်ႈလႄႈဝႃႈ၊ “ၼုၵ်ႈၵပၢတ်ႈ ထႃႇဝရႃႉၽြႃး၊ ဢၼ်မႂ်းလႆႈပျၢၼ်ႇလႆႈလၢတ်ႈၼႆႉလီယဝ်ႉ၊” ဝႃႈၼင်ႇၼႆဢေႃႈ။ လွင်ႈမၼ်းၸမ်ႉ၊မၼ်းထၢင်ႇၼႂ်းၸႂ်လႄႈဝႃႈ၊ “ၼႂ်းၸူဝ်ႈပၢၼ်ၵဝ်ၼႆႉတၵ်းမီးတၢင်းဢၼ်ၼိမ်ဢၼ်လီ၊ဢိၵ်ႇတင်းတၢင်းဢၼ်လူင်ႉလီလွတ်ႈလီဢမၢၼ်ႇၶၼ်ပဵၼ်ဢေႃႈ၊” ဝႃႈၼင်ႇၼႆဢေႃႈ။