2 Kings 23:13 — Compare Translations

2 translations compared side by side

ထႃႇၼႃႉတီႈသုင်ဢၼ်မီးၵႃႈတီႈၽၢႆႇၼႃႈဝၼ်းဢွၵ်ႇဝဵင်း ယေႇရူႉသလႅမ်ႇ ၵႃႈတီႈၽၢႆႇတၢင်းၶႂႃလွႆ တၢင်းဢၼ်ယႃႉပႅတ်ႈ ဢၼ် သေႃးလမုၼ်ႇ ၶုၼ်ႁေႃၶမ်း ဢီႉသရေႇလႃႉ တႄႇႁဵတ်းပုၼ်ႈ ဢႃႇသတရိၵ်ႉ ၽြႃး ၸီႉတုၼ်ႇ ဢၼ်လီႁင်ႈဢဵတ်ႇသဵတ်ႇ၊ ၶႄးမူႉသႃႉ ၽြႃး မေႃႇၽႃႉ ဢၼ်လီႁင်ႈဢဵတ်ႇသဵတ်ႇ၊ မီႉလႃႉၵုမ်း ၽြႃး ဢမ်ႇမုၼ်ႇ ဢၼ်လီႁင်ႈဢဵတ်ႇသဵတ်ႇၸိူဝ်းၼၼ်ႉၵေႃႈ ၶုၼ်ႁေႃၶမ်းႁဵတ်းႁႂ်ႈၵူဝ်ႈၵိူၵ်ႇသေဢေႃႈ။-

ၶဵင်ႇတၢင်းလူႇၸိူဝ်းဢၼ်ၶုၼ်ႁေႃၶမ်း သေႃးလမုၼ်ႇ၊ တႄႇႁဵတ်းဝႆႉၽၢႆႇၼႃႈဝၼ်းဢွၵ်ႇဝဵင်း ယေႇရုသလႅမ်ႇ၊ ၵႃႈတီႈၽၢႆႇတၢင်းၸၢၼ်းလွႆဢၼ်မီးၸိုဝ်ႈဝႃႈ၊ လွႆတၢင်းဢၼ်ယႃႉလႅဝ်၊ ပုၼ်ႈဢၼ်တၵ်းဝႆႈႁုၼ်ႇႁၢင်ႈသၢင်းထုဢၼ်လီႁင်ႈဢဵတ်ႇသဵတ်ႇတင်းလၢႆဢၼ်ပဵၼ်၊ ဢႃႇသတရိတ်ႉ၊ ၼၢင်းၽီဝဵင်း ၸိတုမ်ႇ၊ၶေးမုသႃႉ၊ ၽြႃးမိူင်း မေႃႇၽႃႉ၊ ဢိၵ်ႇတင်း မိလႃႉၵုမ်း၊ ၽြႃးမိူင်း ဢမ်ႇမုၼ်ႇ၊ ၸိူဝ်းၼၼ်ႉၵေႃႈၶုၼ်ႁေႃၶမ်းႁဵတ်းႁႂ်ႈၵူဝ်ႈၵိူၵ်ႇပႅတ်ႈသေဢေႃႈ။-