2 Kings 3:9 — Compare Translations

2 translations compared side by side

ၼင်ႇၼၼ်လႄႈ ၶုၼ်ႁေႃၶမ်း ဢီႉသရေႇလႃႉ ၊ ၶုၼ်ႁေႃၶမ်း ယူႉတႃႉ ၊ ၶုၼ်ႁေႃၶမ်း ဢေႇတုမ်ႇ ၸိူဝ်းၼၼ်ႉ ၽွမ်ႉၵၼ်ၶီႇၵႂႃႇလႄႇလဵပ်ႈၵႂႃႇၶၢဝ်းတၢင်းၸဵတ်းဝၼ်းယူႇသေလႄႈ ဢမ်ႇမီးၼမ်ႉပုၼ်ႈဢၼ် ပူဝ်ႇပႃႇၵူၼ်းသိုၵ်းတင်းလၢႆ ဢိၵ်ႇတင်းတရိၵ်ႈသၢၼ်ႇဢၼ်ပႃးတီႈၶဝ်ၼၼ်ႉၸိူဝ်းၼၼ်ႉတၵ်းၵိၼ်။-

ၼင်ႇၼၼ်လႄႈၶုၼ်ႁေႃၶမ်း ယူဝ်းရမ်ႇ၊ ဢိၵ်ႇတင်းၶုၼ်ႁေႃၶမ်း ယုတႃႉ၊ တင်းၶုၼ်ႁေႃၶမ်း ဢေႇတုမ်ႇ၊ ၸိူဝ်းၼၼ်ႉၽွမ်ႉၵၼ်ၶီႇသိုၵ်းၶိုၼ်ႈၵႂႃႇဢေႃႈ။ မိူဝ်ႈဢၼ်ၶိုၼ်ႈၵႂႃႇၶၢဝ်းတၢင်းလႆႈၸဵတ်းဝၼ်းယဝ်ႉၸိုင်၊ဢမ်ႇမီးၼမ်ႉပုၼ်ႈတႃႇတေၵိၼ်၊ဢိၵ်ႇတင်းတေဢွႆႇပၼ်တီႈတူဝ်သတ်းၶဝ်ၼၼ်ႉသေဢိတ်းယဝ်ႉ။-