2 Kings 9:5 — Compare Translations

2 translations compared side by side

ႁွတ်ႈထိုင်သေယဝ်ႉ၊ ထူပ်းႁၼ်ၶုၼ်ပူဝ်ႇတင်းလၢႆၼင်ႈယူႇလူၺ်ႈၵၼ်လႄႈ၊ မၼ်းလၢတ်ႈလႄႈဝႃႈ၊ ၶုၼ်ပူဝ်ႇဢိူၺ်း၊ မီးတီႈတၵ်းလၢတ်ႈတီႈၸဝ်ႈႁဝ်းဢေႃႈ၊ ဝႃႈၼင်ႇၼႆသေယဝ်ႉ၊ ယေႇႁူႉ ထၢမ်လႄႈဝႃႈ၊ ၼႂ်းႁဝ်းၵႃႈမီးၼႆႉ မီးတီႈတၵ်းလၢတ်ႈတီႈၽူႈလႂ်၊ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၶိုၼ်းလၢတ်ႈလႄႈဝႃႈ၊ ၶုၼ်ပူဝ်ႇဢိူၺ်း၊ တီႈၸဝ်ႈႁဝ်းဢေႃႈ၊ ဝႃႈၼင်ႇၼႆဢေႃႈ။-

ၵႃႈတီႈၼၼ်ႈမၼ်းထူပ်းႁၼ်ၶုၼ်သိုၵ်းႁၢၼ်တင်းလၢႆႁဵတ်းပၢင်ၵုမ်ယူႇၼၼ်ႉလႄႈ၊မၼ်းလၢတ်ႈတီႈၶဝ်လႄႈဝႃႈ၊ “ၸဝ်ႈၶုၼ်သိုၵ်းတီႈၶႃႈ။ ၵဝ်ၶႃႈမီးတီႈတၵ်းလၢတ်ႈတီႈၸဝ်ႈဢေႃႈ၊” ဝႃႈၼင်ႇၼႆဢေႃႈ။ ယေႇႁု၊ ထၢမ်လႄႈဝႃႈ၊ “ၼႂ်းႁဝ်းၸိူဝ်းၼႆႉမႂ်းၶႂ်ႈလၢတ်ႈတေႃႇၵေႃႉလႂ်၊” ဝႃႈၼင်ႇၼႆလႄႈ၊ မၼ်းၶိုၼ်းလၢတ်ႈလႄႈဝႃႈ၊ “ၸဝ်ႈၶုၼ်သိုၵ်းၶႃႈ။ ၵဝ်ၶႃႈၶႂ်ႈလၢတ်ႈတေႃႇၸဝ်ႈႁဝ်းဢေႃႈ၊” ဝႃႈၼင်ႇၼႆဢေႃႈ။-