2 Peter 1:17 — Compare Translations

2 translations compared side by side

ပဵၼ်ၸိူဝ်ႉၼင်ႇႁိုဝ် ဝႃႈၼင်ႇၼႆၸမ်ႉ၊ ၸဝ်ႈၼၼ်ႉလႆႈၶၢမ်ႇၵုင်ႇသရေႇမုၼ်ဢႃႇၼူႉၽေႃႇ ၵႃႈတီႈၸဝ်ႈပေႃႈၽြႃးပဵၼ်ၸဝ်ႈ ၼႂ်းမိူဝ်ႈဢၼ်သဵင်ၸဝ်ႈဢၼ်လၢတ်ႈလႄႈဝႃႈ၊ ၵေႃႉၼႆႉပဵၼ်လုၵ်ႈဢၼ်ၵဝ်ႁၵ်ႉၼႃႇ၊ တီႈဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၼႃႇဢေႃႈ၊ ဝႃႈၼင်ႇၼႆၼၼ်ႉ ဢွၵ်ႇသေၵႃႈၼႂ်းငဝ်းဢရွင်ႇ ဢၼ်မျၢတ်ႈလိူဝ်တွၼ်းၼႃႇမႃးလႄႈ ႁွတ်ႈထိုင်ၵႃႈတီႈမၼ်းၸဝ်ႈၼၼ်ႉဢေႃႈ။-

လွင်ႈမၼ်းၸမ်ႉ၊မၼ်းၸဝ်ႈလႆႈႁပ်ႉဢဝ်ၵုင်ႇသရေႇတင်းမုၼ်ၽုင်းဢႃႇၼုၽေႃႇၵႃႈတီႈၽြႃးပေႃႈၸဝ်ႈၼႂ်းမိူဝ်ႈဢၼ်သဵင်ၸဝ်ႈဢၼ်လုၵ်ႉသေၵႃႈတီႈၸဝ်ႈဢၼၼ်ႇတႃႉတၼ်းၶူဝ်းလၢတ်ႈတီႈမၼ်းၸဝ်ႈလႄႈဝႃႈ၊ “ၵေႃႉၼႆႉပဵၼ်လုၵ်ႈဢၼ်ၵဝ်ႁၵ်ႉၼႃႇ၊ၵေႃႉဢၼ်ၵဝ်ၵျိူၵ်ႈႁၵ်ႉထုၵ်ႇၸႂ်ၼႃႇဢေႃႈ” ဝႃႈၼင်ႇၼႆၼၼ်ႉဢေႃႈ။-