2 Samuel 14:19 — Compare Translations

2 translations compared side by side

ၶုၼ်ႁေႃၶမ်းၵေႃႈထၢမ်လႄႈဝႃႈ၊ ၼႂ်းလွင်ႈတၢင်းၵႃႈမီးၼႆႉ ယႂႃႇၽႃႉ ပၼ်တၢင်းၵျၢမ်ႇတၢင်းပွင်တီႈမႂ်းဢမ်ႇၸႂ်ႈႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ မႄႈယိင်းၼၼ်ႉၶိုၼ်းလဝ်ႊလၢတ်ႈလႄႈဝႃႈ၊ ၸဝ်ႈႁဝ်းၶႃႈ ၸဝ်ႈၶုၼ်လူင်တီႈၶႃႈ၊ ၵႃႈၼင်ႇဢၼ်ၸဝ်ႈႁဝ်းဢသၢၵ်ႈလိပ်းယူႇၼၼ်ႉ၊ ၽူႈလႂ်ဢမ်ႇဝႄႈပိူင်ႈသေၵႃႈတီႈသဵၼ်ႈတၢင်းဢၼ်ၸဝ်ႈႁဝ်းၶႃႈ ၸဝ်ႈၶုၼ်လူင်မီးဢမိင်ႉၼၼ်ႉၵႂႃႇၽၢႆႇၶႂႃၽၢႆႇသၢႆႉလႆႈတီႈၶႃႈ။ ၶႃႈၸဝ်ႈႁဝ်း ယႂႃႇၽႃႉ ၼၼ်ႉ သင်ႇလၢတ်ႈဝႆႉတီႈၶိင်းပဵၼ်ၶႃႈလႄႈ ဢဝ်ၵႂၢမ်းတင်းသဵင်ႈတင်းလူင်ၼႆႉ သႂ်ႇဝႆႉၵႃႈၼႂ်းသူပ်းၶိင်းပဵၼ်ၶႃႈတီႈၶႃႈဢေႃႈ။-

ၶုၼ်ႁေႃၶမ်းထၢမ်လႄႈဝႃႈ၊ “လွင်ႈတၢင်းၸိူဝ်းၼႆႉ ယွႃႇၽႃႉ၊ သႂ်ႇသူပ်းသႂ်ႇၵႂၢမ်းမႂ်းဝႆႉဢမ်ႇၸႂ်ႈႁိုဝ်း၊” ဝႃႈၼင်ႇၼႆလႄႈ၊မႄႈယိင်းၼၼ်ႉၶိုၼ်းလဝ်ႈလၢတ်ႈလႄႈဝႃႈ၊ “ၵႃႈၼင်ႇဢၼ်ၸဝ်ႈၶုၼ်လူင်ဢသၢၵ်ႈလိပ်းယူႇၼႆႉ၊ၵႂၢမ်းထၢမ်ၸဝ်ႈႁဝ်းၸဝ်ႈၶုၼ်လူင်ၼၼ်ႉၽူႈလႂ်ဢမ်ႇဝႄႈပႅတ်ႈၽၢႆႇသၢႆႉၽၢႆႇၶႂႃၵႂႃႇလႆႈတီႈၶႃႈ။ ၸႂ်ႈတီႈၶႃႈယဝ်ႉ။ ၶုၼ်ဢၼ်ပွင်ၵၢၼ်ၼႂ်းႁေႃၸဝ်ႈၶုၼ်လူင်ႁဝ်း ယွႃႇၽႃႉ၊ သင်ႇတီႈၶႃႈၸဝ်ႈတၵ်းလႆႈႁဵတ်းၸိူဝ်ႉၼင်ႇႁိုဝ်လႄႈတၵ်းလႆႈလၢတ်ႈၸိူဝ်ႉၼင်ႇႁိုဝ်ၼၼ်ႉတီႈၶႃႈဢေႃႈ။-