2 Samuel 18:28 — Compare Translations

2 translations compared side by side

မိူဝ်ႈၼၼ်ႉ ဢႁီႉမတ်ႉ ႁွင်ႉသႅၼ်ႇလဝ်ႊလၢတ်ႈတီႈၶုၼ်ႁေႃၶမ်းလႄႈဝႃႈ၊ လႆႈၵတ်းယဵၼ်ၶျၢမ်းသႃႇတီႈၶႃႈယဝ်ႉ၊ ဝႃႈၼင်ႇၼႆယူႇသေလႄႈ ၶုပ်ႉမူပ်ႇၵႃႈၼိူဝ်လိၼ်ၵႃႈတီႈၽၢႆႇၼႃႈၶုၼ်ႁေႃၶမ်းလႄႈ လဝ်ႊလၢတ်ႈလႄႈဝႃႈ၊ ႁႂ်ႈထႃႇဝရႃႉၽြႃး ၽြႃးပဵၼ်ၸဝ်ႈၸဝ်ႈႁဝ်း ဢၼ်ဢဝ်ၶဝ်ၸိူဝ်းဢၼ် ယုၵ်ႉၶႅၼ်ယုၵ်ႉမိုဝ်းယူႇၽၢႆႇၼိုင်ႈတင်းၸဝ်ႈႁဝ်းၶႃႈ ၸဝ်ႈၶုၼ်လူင်ၼၼ်ႉ ဢၢပ်ႈပၼ်ၼၼ်ႉ မီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။-

မိူဝ်ႈၼၼ်ႉ၊ ဢႁိမတ်ႉ၊ ႁွင်ႉပၢဝ်ႇတီႈၶုၼ်ႁေႃၶမ်းလႄႈလဝ်ႈလၢတ်ႈလႄႈဝႃႈ၊ “ပဵၼ်ဢၼ်လီဢၼ်ငၢမ်းမူတ်းမူတ်းတီႈၶႃႈယဝ်ႉ၊” ဝႃႈၼင်ႇၼႆသေယဝ်ႉ၊ၶုပ်ႉမူပ်ႇၸပ်းလိၼ်ၽၢႆႇၼႃႈၶုၼ်ႁေႃၶမ်းသေလႄႈလဝ်ႈလၢတ်ႈဝႃႈ၊ “ယွင်ႈယေႃး ထႃႇဝရႃႉၽြႃး၊ ၽြႃးပဵၼ်ၸဝ်ႈႁဝ်းၶႃႈဢေႃႈ။ ၵွပ်ႈပိူဝ်ႈမၼ်းၸဝ်ႈႁႂ်ႈၸဝ်ႈႁဝ်းပႄႉသိုၵ်းၵႃႈၼိူဝ်ၶဝ်ၸိူဝ်းဢၼ်လုၵ်ႉၽိုၼ်ႉၸဝ်ႈႁဝ်းၸဝ်ႈၶုၼ်လူင်ၼၼ်ႉတီႈၶႃႈဢေႃႈ၊” ဝႃႈၼင်ႇၼႆဢေႃႈ။