2 Samuel 24:10 — Compare Translations

2 translations compared side by side

တႃႇဝိတ်ႈ ၼၼ်ႉ ၼပ်ႉဢၢၼ်ႇၵူၼ်းတင်းလၢႆသေယဝ်ႉ၊ ၼႅင်ၸႂ်လႄႈ တႃႇဝိတ်ႈ တွင်းပၢၼ်ႇလဝ်ႊလၢတ်ႈတီႈထႃႇဝရႃႉၽြႃးလႄႈဝႃႈ၊ ၶႃႈၸဝ်ႈၽိတ်းပိူင်ႈၼႃႇလူင်လၢင် ၼႂ်းလွင်ႈတၢင်းဢၼ်ၶႃႈၸဝ်ႈႁဵတ်းမႅၼ်ႈၼၼ်ႉတီႈၶႃႈယဝ်ႉ။ တေႃႈမိူဝ်ႈလဵဝ်ၼႆႉ၊ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈပွႆႇလွတ်ႈဢပႅတ်ႈၶႃႈၸဝ်ႈႁဝ်းသေၵမ်းတီႈၶႃႈ။ ၶႃႈၸဝ်ႈလႆႈႁဵတ်းဢမူႉဢၼ်မိူၵ်ႈၼႃႇလူင်လၢင်ၼႆႉ မႅၼ်ႈယဝ်ႉတီႈၶႃႈယဝ်ႉ၊ ဝႃႈၼင်ႇၼႆဢေႃႈ။-

လိုၼ်းသေဢၼ် တႃႇဝိတ်ႈ၊ ႁဵတ်းတၢင်းဢၼ်ၵဵပ်းၸရၢင်းၵူၼ်းမိူင်းယဝ်ႉၼၼ်ႉ၊မၼ်းၼႅင်ၸႂ်လႄႈတွင်းပၢၼ်ႇလဝ်ႈလၢတ်ႈတီႈ ထႃႇဝရႃႉၽြႃး၊ လႄႈဝႃႈ၊ “ၶႃႈၸဝ်ႈၽိတ်းပိူင်ႈၼႃႇလူင်လၢင်ၼႂ်းလွင်ႈတၢင်းဢၼ်ၶႃႈၸဝ်ႈႁဵတ်းဢၼ်ၼႆႉမႅၼ်ႈၼၼ်ႉတီႈၶႃႈယဝ်ႉ။ ၶႅၼ်းတေႃႈပွႆႇလွတ်ႈဢပျတ်ႈၶႃႈၸဝ်ႈသေၵမ်းတီႈၶႃႈ။ ၶႃႈၸဝ်ႈႁဵတ်းႁၢႆႉမိူၵ်ႈၼႃႇလူင်လၢင်တီႈၶႃႈယဝ်ႉ၊” ဝႃႈၼင်ႇၼႆဢေႃႈ။