2 Samuel 6:12 — Compare Translations

2 translations compared side by side

မိူဝ်ႈဢၼ်ပိူၼ်ႈလၢတ်ႈတီႈ တႃႇဝိတ်ႈ လႄႈဝႃႈ၊ ထႃႇဝရႃႉၽြႃး ပၼ်တၢင်းလီတီႈ ဢူဝ်းပိတ်ႉဢေႇတုမ်ႇ ဢိၵ်ႇတင်းၵူၼ်းႁိူၼ်းၵူၼ်းယေးမၼ်းတင်းသဵင်ႈတင်းလူင် ၵွပ်ႈပိူဝ်ႈတိူၵ်ႈတႃႇၽြႃးပဵၼ်ၸဝ်ႈၼၼ်ႉဢေႃႈ၊ ဝႃႈၼင်ႇၼႆၼၼ်ႉၸိုင်၊ တႃႇဝိတ်ႈ ၵႂႃႇလႄႈ မီးတၢင်းၸႂ်ဢၼ်ၸူမ်းသိူဝ်းၼႃႇလူင်လၢင်သေလႄႈ ဢဝ်တိူၵ်ႈတႃႇၽြႃးပဵၼ်ၸဝ်ႈသေၵႃႈၼႂ်းႁိူၼ်း ဢူဝ်းပိတ်ႉဢေႇတုမ်ႇ ၼၼ်ႉ မႃးၵႃႈတီႈဝဵင်း တႃႇဝိတ်ႈ ဢေႃႈ။-

ၶုၼ်ႁေႃၶမ်း တႃႇဝိတ်ႈ၊ လႆႈငိၼ်းၶၢဝ်ႇလွင်ႈဢၼ် ထႃႇဝရႃႉၽြႃး၊ ပၼ်တၢင်းလီတီႈ ဢူဝ်းပိတ်ႉဢေႇတုမ်ႇ၊ တင်းၵူၼ်းႁိူၼ်းၵူၼ်းယေးမၼ်းဢိၵ်ႇတင်းၵႃႈဢၼ်မၼ်းမီးၼၼ်ႉတင်းသဵင်ႈတင်းလူင်ၵွပ်ႈပိူဝ်ႈတိူၵ်ႈပတိၺိၺ်ႇၽြႃးပဵၼ်ၸဝ်ႈၼၼ်ႉဢေႃႈ။ ပိူဝ်ႈၼႆလႄႈမၼ်းႁဵတ်းပွႆးလၢမ်းဢၼ်မူၼ်ႈပျေႃႇၼႃႇလႄႈၵႂႃႇဢဝ်တိူၵ်ႈပတိၺိၺ်ႇၸဝ်ႈသေၵႃႈတီႈႁိူၼ်း ဢူဝ်းပိတ်ႉဢေႇတုမ်ႇ၊ မႃးၵႃႈတီႈဝဵင်း ယေႇရုသလႅမ်ႇ၊ ဢေႃႈ။-