Acts 17:18 — Compare Translations

2 translations compared side by side

မိူဝ်ႈၼၼ်ႉ တပႄး ဢေးပီႉၵူႉရူႉ ဢိၵ်ႇတင်း သတေႃးဢိၵ်ႉ ပိင်ႇၺႃႇသီႉၵမ်ႈၽွင်ႈ လၢတ်ႈၶဵင်ႇၵၼ်တင်း ပေႃးလူႉ ဢေႃႈ။ ၵမ်ႈၽွင်ႈဝႃႈ ၵူၼ်းဢၼ်ဢမ်ႇလႆႈလွင်ႈၼႆႉတၵ်းၶႂ်ႈဝႃႈၸိူဝ်ႉၼင်ႇႁိုဝ်။ ဝႃႈၼင်ႇၼႆဢေႃႈ။ ၵမ်ႈၽွင်ႈၵေႃႈဝႃႈ ၵေႃႉၼႆႉမိူၼ်ၸိူဝ်ႉၼင်ႇႁၢင်ႈပဵၼ် ၵေႃႉဢၼ်ႁေႃးလၢတ်ႈလွင်ႈၸဝ်ႈၽြႃးတၢင်ႇဝၢၼ်ႈတၢင်ႇမိူင်းဢေႃႈ၊ ဝႃႈၼင်ႇၼႆဢေႃႈ။ လွင်ႈဢၼ်ဝႃႈၼင်ႇၼႆၼၼ်ႉၸမ်ႉ၊ ပေႃးလူႉ ၼၼ်ႉ ႁေႃးလၢတ်ႈတြႃးသတၢင်းသိူဝ်းပျေႃႇလွင်ႈ ယေႇသူႉ ဢိၵ်ႇတင်းလွင်ႈတြႃးတၢင်းဢၼ်လုၵ်ႉၶိုၼ်းလိပ်းၼၼ်ႉယူႇဢေႃႈ။-

သြႃႇၵိူင်း ဢေးပိၵုရု၊ ၶဝ်တင်းသြႃႇၵိူင်း သတေႃးဢိၵ်ႉ၊ ၶဝ်ၵေႃႈမႃးလၢတ်ႈၶဵင်ႇၵၼ်တင်းမၼ်းဢေႃႈ။ ၵမ်ႈၽွင်ႈဝႃႈ၊ “ၵူၼ်းဢၼ်ဢမ်ႇလႆႈလွင်ႈၼႆႉ၊တၵ်းၶႂ်ႈဝႃႈၸိူဝ်ႉၼင်ႇႁိုဝ်၊” ဝႃႈၼင်ႇၼႆဢေႃႈ။ ၵမ်ႈၽွင်ႈၵေႃႈဝႃႈ၊ “မိူၼ်ၼင်ႇႁၢင်ႈမၼ်းႁေႃးလၢတ်ႈလွင်ႈၽြႃးတၢင်ႇဝၢၼ်ႈတၢင်ႇမိူင်း၊” ဝႃႈၼင်ႇၼႆဢေႃႈ။ ၶဝ်လၢတ်ႈဝႃႈၸိူဝ်ႉၼင်ႇၼႆၵွပ်ႈပိူဝ်ႈသြႃႇ ပေႃးလု၊ ႁေႃးလၢတ်ႈတြႃးလွင်ႈ ၸဝ်ႈယေႇသု၊ ဢိၵ်ႇတင်းတြႃးတၢင်းဢၼ်လုၵ်ႉၶိုၼ်းလိပ်းၼၼ်ႉဢေႃႈ။-