Acts 8:25 — Compare Translations

2 translations compared side by side

တမၢၼ်ႇၸဝ်ႈၼၼ်ႉ ၶၢမ်ႇသၢၵ်ႈသေႇလႄႈ ႁေႃးလၢတ်ႈၼုၵ်ႈၵပၢတ်ႈၸဝ်ႈၽြႃးသေယဝ်ႉ၊ ၼႂ်းမိူဝ်ႈဢၼ် ၶိုၼ်းမိူဝ်းၵႂႃႇၵႃႈတီႈဝဵင်း ယေႇရူႉသလႅမ်ႇ ယူႇၼၼ်ႉၸိုင် ႁေႃးလၢတ်ႈတြႃးသတၢင်းသိူဝ်းပျေႃႇၸဝ်ႈ ၼႂ်းဝၢၼ်ႈ သမႃႇရီႉ ၼမ်ၼႃႇၼၼ်ႉဢေႃႈ။

ဝၢႆးသေ ပေႇတရု၊ တင်း ယူဝ်းႁၢၼ်ႇ၊ ၶၢမ်ႇသၢၵ်ႈသေႇလႄႈႁေႃးလၢတ်ႈၼုၵ်ႈၵပၢတ်ႈတြႃးၸဝ်ႈၽြႃးယဝ်ႉၸိုင်၊ၶဝ်ၶိုၼ်းမိူဝ်းၸူးဝဵင်း ယေႇရုသလႅမ်ႇ၊ သေဢေႃႈ။ ၼႂ်းၶၢဝ်းတၢင်းၼၼ်ႉ၊ၶဝ်ႁေႃးလၢတ်ႈၶၢဝ်ႇတြႃးသိူဝ်းပျေႃႇၸဝ်ႈ၊ၵႃႈၼႂ်းဝၢၼ်ႈပိူၼ်ႈၵူႈၶၢဝ်းတၢင်းၼႂ်းမိူင်း သမႃႇရိ၊ ပုၼ်ႉဢေႃႈ။