Daniel 3:15 — Compare Translations

2 translations compared side by side

မိူဝ်ႈလဵဝ်ၼႆႉ မိူဝ်ႈဢၼ် သူလႆႈငိၼ်းသဵင် တၢင်းဢၼ်ပဝ်ႇႁႆႇ ၸႃႉၸဵမ်ၼႄးၶရႃႇ၊ တိင်ႇ၊ ပီႇ၊ တရေႃး၊ ၵွင်ၶဵတ်ႇလႄႈ တူႇရီႉယႃႇၵူႈၸိူဝ်ႉၵူႈမဵဝ်း ၸိူဝ်းၼၼ်ႉ၊ ပေႃးသူမႄးႁႅၼ်းဝႆႉ ႁႂ်ႈလႆႈၶုပ်ႉမူပ်ႇလႄႈ ၵူဝ်းၵႂၢႆႇရုၵ်ႈထူႉဢၼ်ၵဝ်ႁဵတ်း ၼႆႉၸိုင်၊ လီယဝ်ႉ။ ပေႃးဢမ်ႇၵူဝ်းၵႂၢႆႇၸိုင်၊ တၵ်းလႆႈဢဝ်သူ ထိမ်ႈတူၵ်းသႂ်ႇ ၵႃႈၼႂ်းမုၵ်ႉၽႆး ဢၼ်လုၵ်ႉမႆႈယူႇၼၼ်ႉ ၵမ်းလဵဝ်ဢေႃႈ။ ၽြႃးဢၼ်တၵ်း ၵႄႇသႄႇ ဢဝ်သူလွတ်ႈသေ ၵႃႈၼႂ်းမိုဝ်းၵဝ်ၼႆႉၸမ်ႉ၊ မီးၽြႃးဢၼ်လႂ်၊ ဝႃႈၼင်ႇၼႆဢေႃႈ။-

ၵမ်းၼႆႉမိူဝ်ႈဢၼ်သူလႆႈငိၼ်းသဵင်ဢၼ်ပဝ်ႇႁႆႇၸႃႉၸဵမ်ၼႄးၶရႃႇ၊တိင်ႇ၊ပီႇ၊တရေႃး၊ၵွင်ၶဵတ်ႇလႂ်တူႇရိယႃႇၵူႈၸိူဝ်ႉၵူႈမဵဝ်းၼၼ်ႉၸိုင်၊ဢွၼ်ၵၼ်ၶုပ်ႉမူပ်ႇလႄႈဝႆႈႁုၼ်ႇႁၢင်ႈသၢင်းထုၼၼ်ႉတႃႉ။ ပေႃးသူယင်းဢမ်ႇဝႆႈၸိုင်၊တၵ်းလႆႈဢဝ်သူထိမ်ႈတူၵ်းသႂ်ႇၵႃႈၼႂ်းမုၵ်ႉၽႆးဢၼ်လုၵ်ႉမႆႈယူႇၼၼ်ႉၵမ်းလဵဝ်ဢေႃႈ။ တၵ်းမီးၽြႃးသူႇလႂ်ဢၼ်တၵ်းၵႄႇသႄႇဢဝ်သူလွတ်ႈသေၵႃႈၼႂ်းမိုဝ်းၵဝ်လႆႈ၊” ဝႃႈၼင်ႇၼႆဢေႃႈ။