Daniel 4:23 — Compare Translations

2 translations compared side by side

ၼႂ်းလွင်ႈဢၼ် ၸဝ်ႈၶုၼ်လူင်ၽၼ်ႁၼ် ၵေႃႉဢၼ်လႆႈပႂ်ႉ၊ ၵေႃႉဢၼ်မူတ်းၸၢင်ႇၵေႃႉၼိုင်ႈ လူင်းသေၵႃႈၼိူဝ်ၵၢင်ႁၢဝ်မႃးလႄႈ ႁွင်ႉပၢဝ်ႇႁွင်ႉသေႃႇလႄႈဝႃႈ၊ ပမ်ႈတူၼ်ႈမႆႉၼၼ်ႉ လူမ်ႉလႄႈယႃႉပႅတ်ႈတႃႉ။ ၼႂ်းဝႃႈၼၼ်သေၵေႃႈ ႁႂ်ႈတေႃႁၢၵ်ႈမၼ်း ဢၼ်ၸပ်းလိၼ်ၼၼ်ႉ မီးတၢင်းဢၼ် မတ်ႉၽုၵ်ႇဝႆႉလူၺ်ႈ ၸိူၵ်ႈလဵၵ်းၸိူၵ်ႈတွင်းလိူင် ၵႃႈၼႂ်းတူၼ်ႈယိူဝ်ႈ တူၼ်ႈယႃႈ ဢၼ်ၼုမ်ႇလီ ၶဵဝ်လီၼၼ်ႉလႄႈ ၵိုတ်းၵျၢၼ်ႇဝႆႉတႃႉ။ ႁႂ်ႈမၼ်းလႆႈၶၢမ်ႇတၢင်းဢၼ် ယမ်းၽူၼ်ယမ်းၼၢႆးလႄႈ ႁူမ်ႈပွင်းလူၺ်ႈၵၼ်တင်း တရိၵ်ႈသၢၼ်ႇၵႃႈၼိူဝ်လိၼ် တင်းလၢႆ တေႃႇထိုင်ႁွတ်ႈထၼ်ႈပေႃး ပဵၼ်ၸိူဝ်ႉၼင်ႇၼၼ် တီႈမၼ်း ၸဵတ်းပီႊတဵမ်တဵမ်တႃႉ၊ ဝႃႈၼင်ႇၼႆၼၼ်ႉၼၼ်ႉ။-

ယၢမ်းမိူဝ်ႈဢၼ်ၸဝ်ႈမုၼ်ယႂ်ႇၶုၼ်လူင်ယင်းတိုၵ်ႉပႂ်ႉလူပႂ်ႉတူၺ်းယူႇၼၼ်ႉတမၢၼ်ႇၵၢင်ႁၢဝ်လုၵ်ႉသေၵႃႈၼိူဝ်ၵၢင်ႁၢဝ်လူင်းမႃးလႄႈလၢတ်ႈဝႃႈ၊ ‘ပွမ်ႈတူၼ်ႈမႆႉၼၼ်ႉလႄႈယႃႉၽဵဝ်ႈပႅတ်ႈတႃႉ။ ႁႂ်ႈတေႃမၼ်းၵိုတ်းၵျၢၼ်ႇယူႇၵႃႈၼႂ်းလိၼ်တႃႉ။ ဢဝ်ၸိူၵ်ႈလဵၵ်းၸိူၵ်ႈတွင်းလိူင်မတ်ႉၽုၵ်ႇလႄႈႁႂ်ႈမၼ်းမီးယူႇၵႃႈၼႂ်းပႃႇယိူဝ်ႈယႃႈတႃႉ၊ႁႂ်ႈၼမ်ႉၽူၼ်ၼမ်ႉၼၢႆးတူၵ်းသႂ်ႇၵႃႈၼိူဝ်မၼ်းလႄႈႁႂ်ႈမၼ်းယူႇလူၺ်ႈၵၼ်တင်းတူဝ်သတ်းတင်းလၢႆယူႇၸဵတ်းပီတဵမ်တဵမ်တႃႉ၊’ ဝႃႈၼင်ႇၼႆၼၼ်ႉ။