Daniel 5:23 — Compare Translations

2 translations compared side by side

ႁဵတ်းၶတ်းၵၼ် တင်းၸဝ်ႈၽုင်ႇၵၢင်ႁၢဝ် ယူႇသေလႄႈ ႁႂ်ႈဢဝ်ၵွၵ်းပိၵ်ႈမၢၼ်ႇၸဝ်ႈ ၸိူဝ်းၼၼ်ႉ မႃးသႂၢင်းၶဝ်ႈၵႃႈတီႈၽၢႆႇၼႃႈ ၸဝ်ႈႁဝ်းလႄႈ တူဝ်ၸဝ်ႈႁဝ်း ဢိၵ်ႇတင်း မူးမၢတ်ႈၽွင်းမိူင်းၸဝ်ႈႁဝ်း၊ ၼၢင်းႁေႃၶမ်းၸဝ်ႈႁဝ်း၊ ၸိူင်ႉၼၢင်းၸဝ်ႈႁဝ်း ၸိူဝ်းၼၼ်ႉ ဢွၼ်ၵၼ်ဢဝ်ၵွၵ်း ၸိူဝ်းၼၼ်ႉ သူတ်ႉၵိၼ်ၼမ်ႉၸပိတ်ႈလႄႈ ဢွၼ်ၵၼ် ယွင်ႈယေႃးၽြႃးငိုၼ်း ၽြႃးၶမ်း၊ ၽြႃးတွင်းလိူင်၊ ၽြႃးလဵၵ်း၊ ၽြႃးမႆႉ၊ ၽြႃးမၢၵ်ႇႁိၼ် ဢၼ်မၢၵ်ႇတႃဢမ်ႇႁၼ်၊ ႁူဢမ်ႇငိၼ်း၊ ဢမ်ႇႁူႉၵႃႈသင် လႃးလႃး ၸိူဝ်းၼၼ်ႉယူႇ သေလႄႈ ယင်းဢမ်ႇယွင်ႈယေႃး ၽြႃးပဵၼ်ၸဝ်ႈ ဢၼ်ဢုပ်ႉပိူင်ႇဢသၢၵ်ႈ တၢင်းဢၼ် ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇ ၸဝ်ႈႁဝ်း၊ ဢၼ်ၸီႇယၢင်ႇ သဵၼ်ႈတၢင်းၵႃႈဢၼ် ၸဝ်ႈႁဝ်းၸွမ်း ၼၼ်ႉလႄႈယူႇယဝ်ႉ တီႈၶႃႈလူင်ပႄႇ။-

ႁဵတ်းၶတ်းၵၼ်တင်းၸဝ်ႈၽြႃး၊ၸဝ်ႈၽုင်ႇၵၢင်ႁၢဝ်ယူႇသေယဝ်ႉ၊ႁႂ်ႈဢဝ်ၵွၵ်းၸိူဝ်းဢၼ်သိမ်းဢဝ်သေၵႃႈတီႈၼႂ်းၵျွင်းပိၵ်ႈမၢၼ်ႇၸဝ်ႈမႃးၼၼ်ႉဢဝ်ၶဝ်ႈၸူးတီႈၸဝ်ႈႁဝ်းတီႈၶႃႈဢေႃႈ။ ၸဝ်ႈႁဝ်းဢိၵ်ႇတင်းမူးမၢတ်ႈၽွင်းမိူင်းၸဝ်ႈႁဝ်း၊ၼၢင်းႁေႃၶမ်းၸဝ်ႈႁဝ်း၊ၸိူင်ႉၼၢင်းၸဝ်ႈႁဝ်းၸိူဝ်းၼၼ်ႉဢွၼ်ၵၼ်ဢဝ်ၵွၵ်းၸိူဝ်းၼၼ်ႉသႂ်ႇၼမ်ႉမၢၵ်ႇၸပိတ်ႉလႄႈ၊သူတ်ႉၵိၼ်သေယဝ်ႉ၊ယွင်ႈယေႃးၽြႃးငိုၼ်း၊ၽြႃးၶမ်း၊ၽြႃးတွင်းလိူင်၊ၽြႃးလဵၵ်း၊ၽြႃးမႆႉ၊ၽြႃးမၢၵ်ႇႁိၼ်ဢၼ်ဢမ်ႇၸၢင်ႈႁၼ်၊ဢမ်ႇၸၢင်ႈငိၼ်း၊ဢမ်ႇၸၢင်ႈႁုၵႃႈသင်လႃးလႃးၸိူဝ်းၼၼ်ႉယူႇတီႈၶႃႈဢေႃႈ။ ၸဝ်ႈႁဝ်းယင်းဢမ်ႇယွင်ႈယေႃးၽြႃးပဵၼ်ၸဝ်ႈဢၼ်ဢုပ်ႉပိူင်ႇဢသၢၵ်ႈတၢင်းဢၼ်ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇၸဝ်ႈႁဝ်း၊ဢၼ်ၸီႇယၢင်ႇသဵၼ်ႈတၢင်းၵႃႈဢၼ်ၸဝ်ႈႁဝ်းၸွမ်းၸိူဝ်းၼၼ်ႉလႄႈယူႇယဝ်ႉတီႈၶႃႈလူင်ပႄႇ။-