Daniel 6:7 — Compare Translations

2 translations compared side by side

ဝုၼ်ႇလူင်၊ ၸဝ်ႈၽႃႉ၊ မူးမၢတ်ႈၽွင်းမိူင်း ဢၼ်တိူင်ႇပၢင်ႇ၊ ၸဵတ်ႈၵႄးမိူင်းၸဝ်ႈ တင်းသဵင်ႈတင်းလူင် တိူင်ႇပၢင်ႇ ၽွမ်ႉသဵင်ပဵင်းပၢၵ်ႇၵၼ် ႁႂ်ႈလႆႈႁဵတ်း တၢင်းဢၼ်ထုတ်ႇဢွၵ်ႇ ဢူႉပတေႇၸဝ်ႈလႄႈ ပူင်ဢမိင်ႉၸဝ်ႈ ဢၼ်ႁၢမ်ႈတၢပ်ႈႁႄႉၶႅၼ် ဢၼ်ဢမ်ႇၽွၵ်ႈပျၢၼ်ႇလႆႈၼၼ်ႉလႄႈဝႃႈ၊ ၼႂ်းသၢမ်သိပ်းဝၼ်း တဵမ်တဵမ် ၼွၵ်ႈသေတီႈၸဝ်ႈႁဝ်းၼႆႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၶုပ်ႉဝႆႈ သူးတွင်းတီႈၽြႃး သေသူႇသေပႃး ဢမ်ႇၼၼ် တီႈၵူၼ်းသေၵေႃႉသေၵူၼ်းၼၼ်ႉၸိုင်၊ ၵေႃႉၼၼ်ႉ တၵ်းလႆႈၶၢမ်ႇတၢင်းဢၼ် ဢဝ်ထိမ်ႈၶျႃးတူၵ်းသႂ်ႇ ၵႃႈၼႂ်းႁူးၶုမ် ဢၼ်ၶင်သၢင်ႇသီႈဝႆႉ ၼၼ်ႉဢေႃႈ၊ ဝႃႈၼႆၼၼ်ႉတီႈၶႃႈယဝ်ႉ။-

ၶႃႈၸဝ်ႈႁဝ်းၶဝ်ၸိူဝ်းဢၼ်ပွင်ၼႃႈၵၢၼ်သိုင်ႇၸိုင်ႈဝၢၼ်ႈမိူင်းၸဝ်ႈႁဝ်းယူႇ၊ဢၼ်ဝႃႈဝုၼ်ႇလူင်လႂ်၊ၸဝ်ႈၽႃႉဢိၵ်ႇတင်းမူးမၢတ်ႈၽွင်းမိူင်းလႂ်၊ၸဝ်ႈၶုၼ်သိုၵ်းတင်းလၢႆဢိၵ်ႇတင်းၶုၼ်ဢၼ်ပွင်ၵၢၼ်ႁေႃၸဝ်ႈၵႃႈမီးတင်းသဵင်ႈတင်းလူင်တိူင်ႇပၢင်ႇၽွမ်ႉသဵင်ပဵင်းပၢၵ်ႇၵၼ်ႁႂ်ႈၸဝ်ႈမုၼ်ယႂ်ႇၶုၼ်လူင်ႁဝ်းထုတ်ႇဢွၵ်ႇဢမိင်ႉလႄႈႁႂ်ႈၵူၼ်းမိူင်းၵမ်ၵျၢင်ႉႁဵတ်းၸွမ်းၵျၢပ်ႈၵျၢပ်ႈ၊ၼႂ်းသၢမ်သိပ်းဝၼ်းတဵမ်တဵမ်ၼွၵ်ႈသေတၢင်းဢၼ်သူးတွင်းလႄႈဝႆႈၸဝ်ႈႁဝ်းၼႆႉၽူႈလႂ်သေဢမ်ႇဝႃႈ၊ပေႃးၵေႃႉဢၼ်ၶုပ်ႉဝႆႈသူးတွင်းတီႈၽြႃးသေသူႇသေပႃး၊ဢမ်ႇၼၼ်ဝႆႈတီႈၵူၼ်းသေၵေႃႉသေၵူၼ်းၸိုင်၊ၵေႃႉၼၼ်ႉတၵ်းလႆႈၶၢမ်ႇတၢင်းဢၼ်ထိမ်ႈတူၵ်းသႂ်ႇၵႃႈၼႂ်းၶုမ်ဢၼ်ၶင်သၢင်ႇသီႈဝႆႉၼၼ်ႉသေ၊ဝႃႈၼင်ႇၼႆၼၼ်ႉတီႈၶႃႈဢေႃႈ။-