Daniel 7:20 — Compare Translations

2 translations compared side by side

ဢိၵ်ႇတင်း လူၺ်ႈလွင်ႈၶဝ်လႅမ် သိပ်းလႅမ်ႈ ၵႃႈတီႈႁူဝ်မၼ်းၼၼ်ႉ တင်းၶဝ်လႅမ်ဢၼ်ၼိုင်ႈ ဢၼ်ဢွၵ်ႇမႃး ၵမ်းလိုၼ်းလႄႈ ၶဝ်လႅမ်ဢၼ်ဢွၼ်တၢင်း သၢမ်လႅမ်ႈၼၼ်ႉ ဢွၼ်ၵၼ် သွၼ်ႇတူၵ်းၵႃႈတီႈ ၽၢႆႇၼႃႈမၼ်းၼၼ်ႉ ဢၼ်ပျေႉၸုမ်ႇဝႆႉတင်း မၢၵ်ႇတႃ တင်းသူပ်း ဢၼ်ၸၢင်ႈလၢတ်ႈၵႂၢမ်း ဢၼ်ယႂ်ႇၼႃႇလႄႈ မီးႁၢင်ႈၽၢင်ၼႃႈ ဢၼ်လီၵူဝ်လီႁႄ လိူဝ်တွၼ်းသေ ၵေႃႉသေႈမၼ်း ၸိူဝ်းၼၼ်ႉဢေႃႈ။-

ၵဝ်သမ်ႉၶႂ်ႈႁုလွင်ႈၶဝ်လႅမ် သိပ်းလႅမ်ႈၵႃႈၼိူဝ်ႁူဝ်မၼ်း၊ဢိၵ်ႇတင်းၶဝ်လႅမ် လႅမ်ႈဢၼ်ဢွၵ်ႇမႃးၵမ်းလိုၼ်းၼၼ်ႉထူၺ်ႈထွၼ်ၶဝ်လႅမ်ဢၼ်မီးၵဝ်ႇၵဝ်ႇၼၼ်ႉပႅတ်ႈသၢမ်လႅမ်ႈၼၼ်ႉဢေႃႈ။ မၼ်းယင်းမီးမၢၵ်ႇတႃတင်းလၢႆ၊ဢိၵ်ႇတင်းသူပ်းဢၼ်ၸၢင်ႈလၢတ်ႈဢုပ်ႇဝၢဝ်းၽႅၼ်သုင်ၼႃႇၼၼ်ႉဢေႃႈ။ မၼ်းသမ်ႉမီးႁၢင်ႈၽၢင်ဢၼ်လီၵူဝ်လီႁႄၼႃႇသေၶဝ်တၢင်ႇလႅမ်ႈၸိူဝ်းၼၼ်ႉလူးၵွၼ်ႇဢေႃႈ။