Daniel 7:9 — Compare Translations

2 translations compared side by side

မိူဝ်ႈၼၼ်ႉ ၼႂ်းမိူဝ်ႈဢၼ် ၵဝ်ယင်းတိုၵ်ႉလူတူၺ်းယူႇ ၼၼ်ႉၸိုင်၊ ရႃႇၸႃႉပလၢင်ႇ တင်းလၢႆ မီးတၢင်းဢၼ်တႄႇဝႆႉယူႇလႄႈ ၸဝ်ႈဢၼ်ပဵၼ်ၸဵမ်မိုဝ်ႉဝၼ်း မိူဝ်ႈၵွၼ်ႇမိူဝ်ႈမိုၼ်ႉၼၼ်ႉ ပႃးၼိုင်ႈ ၼင်ႈယူႇဢေႃႈ။ ၶူဝ်းၼုင်ႈမၼ်းၸဝ်ႈၼၼ်ႉ ၽိူၵ်ႇၶၢဝ်ႇမိူၼ်ၸိူဝ်ႉၼင်ႇ မူၺ်ႁႃႇလႄႈ ၶူၼ်ႁူဝ်မၼ်းၸဝ်ႈၼၼ်ႉ မိူၼ်ၸိူဝ်ႉၼင်ႇ ၶူၼ်သူဝ်းဢၼ်ၽိူၵ်ႇ ဢၼ်ၶၢဝ်ၼၼ်ႉဢေႃႈ။ ပလၢင်ႇမၼ်းၸဝ်ႈၼၼ်ႉ ပဵၼ်ပဵဝ်ၽႆးဝႆႉလႄႈ မၢၵ်ႇလေႃႉမၼ်း ၸိူဝ်းၼၼ်ႉ ပဵၼ်ၸၢၵ်ႈၽႆးဢေႃႈ။-

ယၢမ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းယူႇၼၼ်ႉၸိုင်၊ရႃႇၸႃႉပလၢင်ႇပေႃႇမႃးတင်ႈဝႆႉလႄႈၸဝ်ႈဢၼ်ပဵၼ်ယူႇမီးယူႇၸဵမ်မိူဝ်ႈဝၼ်းမိူဝ်ႈၵွၼ်ႇမိူဝ်ႈမိုၼ်ႉၼၼ်ႉၼင်ႈၵႃႈၼိူဝ်ပလၢင်ႇဢၼ်ၼိုင်ႈယူႇဢေႃႈ။ ၶူဝ်းၼုင်ႈမၼ်းၸဝ်ႈၽိူၵ်ႇၶၢဝ်မိူၼ်မူၺ်ႁႃႇလႄႈၶူၼ်ႁူဝ်မၼ်းၸဝ်ႈၽိူၵ်ႇၶၢဝ်မိူၼ်ၶူၼ်သူဝ်းဢေႃႈ။ ရႃႇၸႃႉပလၢင်ႇမၼ်းၸဝ်ႈၼၼ်ႉပဵၼ်ပိဝ်ၽႆးဝႆႉလႄႈမၢၵ်ႇလေႃႉမၼ်းၸိူဝ်းၼၼ်ႉပဵၼ်ၸၢၵ်ႈၽႆးဢေႃႈ။