Deuteronomy 11:24 — Compare Translations

2 translations compared side by side

သူတၵ်းလႆႈပိူင်ႇဢဝ်ၵႃႈတီႈၵႃႈဢၼ်တိၼ်သူယဵပ်ႇၼၼ်ႉလႄႈ ဢဝ်ၵႃႈတီႈၸႃႉၸဵမ်ထိူၼ်ႇ တေႃႇထိုင်ႁွတ်ႈ လေႇပၼုၼ်ႇ ၊ ဢဝ်ၵႃႈတီႈၸႃႉၸဵမ်ၼမ်ႉႁွင်ႈလူင် ဢူႉၽရတ်ႉ တေႃႇထိုင်ႁွတ်ႈပၢင်ႇလၢႆႇတၢင်းဝၼ်းတူၵ်းၼၼ်ႉ တၵ်းလႆႈၶဝ်ႈၼႂ်းလႅၼ်လိၼ်သူဢေႃႈ။-

လိၼ်ၵႃႈဢၼ်သူယဵပ်ႇၶၢမ်ႈၶဝ်ႈၵႂႃႇၼၼ်ႉသူတၵ်းတေလႆႈပိူင်ႇဢဝ်ဢေႃႈ။ သိုင်ႇၸိုင်ႈ၊ဝၢၼ်ႈမိူင်းသူတၵ်းၵႂၢင်ႈဢွၵ်ႇတႄႇဢဝ်ထိူၼ်ႇလႅင်ႉၽၢႆႇတၢင်းၸၢၼ်းၶိုၼ်ႈၵႂႃႇတေႃႇထိုင်ႁွတ်ႈလွႆ လေႇပၼုၼ်ႇ၊ ၽၢႆႇတၢင်းႁွင်ႇပုၼ်ႉဢိၵ်ႇတင်းတႄႇဢဝ်ၼမ်ႉ ဢုၽရတ်ႉ၊ ၽၢႆႇတၢင်းဝၼ်းဢွၵ်ႇတေႃႇထိုင်ႁွတ်ႈပၢင်ႇလၢႆႇ မေႇတိထေးရီးယၼ်း၊ ၽၢႆႇတၢင်းဝၼ်းတူၵ်းပုၼ်ႉဢေႃႈ။-