Deuteronomy 13:17 — Compare Translations

2 translations compared side by side

ဢုၵ်ႉၸႃႇဢၼ်ထုၵ်ႇလီၵိၼ်ႇလီဝႃႈၼၼ်ႉဢမ်ႇလႆႈမီးၵႃႈၼႂ်းမိုဝ်းမႂ်းသေၸိူဝ်ႉသေပိူင် ႁႂ်ႈထႃႇဝရႃႉၽြႃး လႆႈႁႂ်ႈႁႅင်းတၢင်းၸႂ်မႆႈၶႆႈၸႃႉ မၼ်းၸဝ်ႈထၢတ်ႇယဵၼ်လႄႈ ဢဵတ်းလူမႂ်း မီးၵရူႉၼႃႇတီႈမႂ်းလႄႈႁႂ်ႈမႂ်းယႂ်ႇၽႄႈၼမ်ၵိုၼ်းမႃးၸွမ်းၵႃႈၼင်ႇဢၼ်မၼ်းၸဝ်ႈတိူင်ႇဝႃႈဝႆႉတီႈ ပူႇမွၼ်ႇမႂ်းၸိူဝ်းၼၼ်ႉ။-

ဢုၵ်ႉၸႃႇဢၼ်ထုၵ်ႇတၢင်းဢၼ်ၵိၼ်ႇဝႃႈႁႂ်ႈလုႁႂ်ႈလႅဝ်ယဝ်ႉၼၼ်ႉယႃႇႁႂ်ႈမီးဝႆႉပုၼ်ႈသူသေၸိူဝ်ႉသေဢိတ်း။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ ထႃႇဝရႃႉၽြႃး၊ တၵ်းႁႂ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈဢၼ်ႁၢဝ်ႈၵျၢမ်းၼႃႇၼၼ်ႉထၢတ်ႇယဵၼ်သေလႄႈတၵ်းဢဵတ်းလူသူဢေႃႈ။ မၼ်းၸဝ်ႈတၵ်းမီးၵရုၼႃႇတီႈသူလႄႈႁႂ်ႈသူယႂ်ႇၽႄႈၼမ်ၵိုၼ်းၸွမ်းၵႃႈၼင်ႇဢၼ်မၼ်းၸဝ်ႈဝႆႉၵတိတီႈပူႇမွၼ်ႇသူၼၼ်ႉ။-