Deuteronomy 14:23 — Compare Translations

2 translations compared side by side

မႂ်းတၵ်းလႆႈၵိၼ်ၶဝ်ႈပိူၵ်ႇမႂ်း၊ ၼမ်ႉၸပိတ်ႈမႂ်း၊ ၼမ်ႉမၼ်းမႂ်း၊ တူဝ်ပေႃႈဢွၼ်ႇဢၼ်ၵိူတ်ႇလဵင်ႉမႃးဢွၼ်တၢင်းပိူၼ်ႈ ၼႂ်းၽုင်သူဝ်းၽုင်ဝူဝ်းမႂ်း သိပ်းပုၼ်ႈပုၼ်ႈၼိုင်ႈၼၼ်ႉ ၵႃႈတီႈၽၢႆႇၼႃႈထႃႇဝရႃႉၽြႃး ၽြႃးပဵၼ်ၸဝ်ႈမႂ်း ၵႃႈၼႂ်းတီႈဢၼ်မၼ်းၸဝ်ႈလိူၵ်ႈၵဵပ်းဢဝ် ပုၼ်ႈဢၼ်တၵ်းႁႂ်ႈၼႃႇမႃႉၸိုဝ်ႈသဵင်မၼ်းၸဝ်ႈတႄႇယူႇၼၼ်ႉ ႁႂ်ႈမႂ်းလႆႈသွၼ်ဢဝ်လွင်ႈၼင်ႇႁိုဝ်တၵ်းလႆႈၵူဝ်လႆႈႁႄထႃႇဝရႃႉၽြႃး ၽြႃးပဵၼ်ၸဝ်ႈမႂ်းယူႇတႃႇသေႇဢေႃႈ။-

ၼင်ႇၼၼ်လႄႈၵႂႃႇၵႃႈတီႈဢၼ် ထႃႇဝရႃႉၽြႃး၊ ၽြႃးပဵၼ်ၸဝ်ႈသူလိူၵ်ႈဝႆႉပုၼ်ႈတၵ်းဝႆႈသႃၵူဝ်းၵႂၢႆႇမၼ်းၸဝ်ႈၼၼ်ႉသေလႄႈ၊ၵႃႈတီႈၼၼ်ႈသူတၵ်းလႆႈဢွၼ်ၵၼ်ၵိၼ်ၵႃႈတီႈၽၢႆႇၼႃႈ ထႃႇဝရႃႉၽြႃး၊ ၼႂ်းသိပ်းပုၼ်ႈပုၼ်ႈၼိုင်ႈ၊ဢၼ်ပဵၼ်ၶဝ်ႈပိူၵ်ႇသူ၊ၼမ်ႉမၢၵ်ႇၸပိတ်ႉသူ၊ၼမ်ႉမၼ်းမၢၵ်ႇသၢၼ်ႇလုၼ်ႇသူ၊သူဝ်း၊ဝူဝ်းတူဝ်ပေႃႈၸိူဝ်းဢၼ်ၵိူတ်ႇဢွၼ်တၢင်းပိူၼ်ႈၼၼ်ႉဢေႃႈ။ သူတၵ်းလႆႈႁဵတ်းၸိူဝ်ႉၼင်ႇၼႆႁႂ်ႈလႆႈသွၼ်ဢဝ်လွင်ႈတၢင်းဢၼ်တၵ်းလႆႈရူဝ်ႇသေႇၵူဝ်ယမ် ထႃႇဝရႃႉၽြႃး၊ ၽြႃးပဵၼ်ၸဝ်ႈသူၼၼ်ႉဢေႃႈ။-