Deuteronomy 16:11 — Compare Translations

2 translations compared side by side

မႂ်းဢိၵ်ႇတင်းလုၵ်ႈၸၢႆးမႂ်း၊ လုၵ်ႈယိင်းမႂ်း၊ ၶႃႈၵူၼ်းၸၢႆးမႂ်း၊ ၶႃႈလုၵ်ႈယိင်းမႂ်း၊ ၵူၼ်းမဵဝ်း လေႇဝီႉ ၊ ဢၼ်သွၼ်ႈပိုင်ႈယူႇၵႃႈၼႂ်းၽၵ်းတူမႂ်း၊ ၶႅၵ်ႇဢႃႇၵၼ်ႇတူႉ၊ ၵေႃႉဢၼ်ဢမ်ႇမီးပေႃႈမီးမႄႈ၊ မႄႈမူၵ်းမႄႈမၢႆႈ ဢၼ်မီးယူႇၵႃႈၼႂ်းမႂ်းၸိူဝ်းၼၼ်ႉ တၵ်းလႆႈဢွၼ်ၵၼ်ႁဵတ်းတၢင်းဢၼ်သႂၢင်ႇသိူဝ်းမူၼ်ႈပျေႃႇ ၵႃႈတီႈၽၢႆႇၼႃႈထႃႇဝရႃႉၽြႃး ၽြႃးပဵၼ်ၸဝ်ႈမႂ်း ၵႃႈၼႂ်းတီႈဢၼ်ထႃႇဝရႃႉၽြႃး ၽြႃးပဵၼ်ၸဝ်ႈမႂ်း လိူၵ်ႈၵဵပ်းဢဝ် ပုၼ်ႈဢၼ်တၵ်းႁႂ်ႈၼႃႇမႃႉၸိုဝ်ႈသဵင်မၼ်းၸဝ်ႈတႄႇၼၼ်ႉဢေႃႈ။-

သူတၵ်းလႆႈဢွၼ်ၵၼ်ႁဵတ်းတၢင်းဢၼ်သႂၢင်ႇသိူဝ်းမူၼ်ႈပျေႃႇတီႈၽၢႆႇၼႃႈ ထႃႇဝရႃႉၽြႃး၊ ႁူမ်ႈလူၺ်ႈၵၼ်တင်းလုၵ်ႈလၢင်းသူတင်းလၢႆ၊ၶႃႈသူတင်းလၢႆဢိၵ်ႇတင်းၵူၼ်း လေႇဝိ၊ တင်းလၢႆ၊ၵူၼ်းတၢင်ႇဝၢၼ်ႈတၢင်ႇမိူင်းတင်းလၢႆ၊လုၵ်ႈဢွၼ်ႇဢၼ်ၽၢၼ်ပေႃႈၽၢၼ်မႄႈတင်းလၢႆ၊ဢိၵ်ႇတင်းမႄႈမၢႆႈတင်းလၢႆၸိူဝ်းဢၼ်မီးယူႇၼႂ်းဝဵင်းသူၼၼ်ႉဢေႃႈ။ သူတၵ်းလႆႈႁဵတ်းၵႃႈတီႈဢၼ်မၵ်းၶၢၼ်းဝႆႉတႃႇတေဝႆႈသႃၵူဝ်းၵႂၢႆႇ ထႃႇဝရႃႉၽြႃး၊ ၼၼ်ႉဢေႃႈ။-